Man hole Lids Theft in Hyderabad: రెక్కీ నిర్వహించి తాళం వేసి ఉన్న ఇళ్లలో చోరీ చేయడం చూసి ఉంటాం. దారి దోపిడీలు, చైన్ స్నాచింగ్ల గురించి విన్నాం. కానీ, హైదరాబాద్ నగరం నడిబొడ్డున వింత దొంగతనం జరిగింది. దొంగలు ఆఖరికి మ్యాన్హోల్స్పై ఉన్న మూతలను కూడా వదలట్లేదు.
గన్పార్క్ అమరవీరుల స్తూపం ఎదురుగా ఉన్న మూడు మ్యాన్హోల్స్పై మూతలను ఎత్తుకెళ్లారు. ఆ మ్యాన్ హోల్ దాదాపు 30 కిలోలకుపైగా బరువు ఉంటుంది. ఐరన్ తో ఉంటుంది. ఈ ఘటనపై జీహెచ్ఎంసీ సిబ్బంది పోలీసులకు ఫిర్యాదు చేశారు.
కేసు నమోదు చేసి దర్యాప్తు చేస్తున్నామని పోలీసులు తెలిపారు. చోరీ సంగతి దేవుడెరుగు.. కానీ.. ప్రధాన రహదారి పక్కనే ఉన్న మ్యాన్హోల్స్పై మూతలు లేకపోతే ప్రమాదాలు జరిగే అవకాశముందని పలువురు ఆందోళన చెందుతున్నారు. నిందితులను గుర్తించి ఇలాంటి ఘటనలు పునరావృతం కాకుండా చర్యలు తీసుకోవాలని కోరుతున్నారు.