Hrithik Roshan – Ntr Movie: బాలీవుడ్ హీరో హృతిక్ రోషన్ – ఎన్టీఆర్ కలిసి నటించబోతున్న లేటెస్ట్ మూవీ ‘వార్2’. మరికొద్ది రోజుల్లో ఎన్టీఆర్ ఈ మూవీ సెట్‌లో అడుగుపెట్టబోతాడని ఆనందిస్తున్న సమయంలో తాజాగా హృతిక్ రోషన్ షాకింగ్ న్యూస్ చెప్పాడు.

దీంతో ఆయన ఫ్యాన్స్ ఆందోళన వ్యక్తం చేస్తున్నారు. ఇంతకీ ఏంటా షాకింగ్ న్యూస్ అంటే… హృతిక్ రోషన్ నటించిన ‘వార్’ మూవీ బ్లాక్ బస్టర్ హిట్ అందుకుంది. దీంతో ఈ మూవీ సీక్వెల్‌పై అందరిలోనూ భారీ అంచనాలు ఏర్పడ్డాయి. దానికి తోడు ఈ మూవీలో యంగ్ టైగర్ ఎన్టీఆర్ భాగమవడం మరింత హైప్ క్రియేట్ అయింది.

‘ఆర్ఆర్ఆర్’ మూవీతో ప్రపంచ వ్యాప్తంగా గుర్తింపు తెచ్చుకున్న తర్వాత ఎన్టీఆర్ నటిస్తున్న బాలీవుడ్ సినిమా ‘వార్ 2’. దీంతో ఈ సినిమాపై అటు బాలీవుడ్‌లోనూ ఇటు టాలీవుడ్‌లోనూ భారీ అంచనాలే ఉన్నాయి.

READ MORE: వార్ 2 డేట్ ఫిక్స్ .. సమరం ఆ రోజే ఆరంభం..

ఇక ఇప్పటికే ఈ మూవీ షూటింగ్ ప్రారంభం కాగా.. ఇటీవల స్పెయిన్‌లో తాజా షెడ్యూల్‌ను మూవీ యూనిట్ కంప్లీట్ చేసుకుంది. అయితే ఎన్టీఆర్ మాత్రం ఈ మూవీ సెట్స్‌లో ఇంకా అడుగుపెట్టలేదు.

ఈ నేపథ్యంలో తాజాగా ఓ వార్త ఎన్టీఆర్ అభిమానుల్లో ఫుల్ జోష్ నింపింది. ఈ మూవీ షూటింగ్‌లో ఎన్టీఆర్ మార్చి మొదటి వారం నుంచి పాల్గొనబోతున్నాడని ఓ టాక్ వినిపించింది. దీంతో తమ హీరోను చూసేందుకు మరికొన్ని రోజులే మిగిలి ఉందని అంతా అనుకున్నారు.

ఈ తరుణంలోనే హృతిక్ రోషన్ షాకింగ్ న్యూస్ చెప్పాడు. ఈ మేరకు తను తీవ్రంగా గాయపడినట్లు తన ఇన్‌గ్రామ్ ద్వారా వెల్లడించాడు. ఈ విషయాన్ని తెలుపుతూ ఓ ఫొటోను తమ అభిమానులతో పంచుకున్నాడు. ఆ ఫొటోలో హృతిక్.. నడుముకి బెల్ట్ పెట్టుకొని.. రెండు చేతుల కింద క్లచస్ సపోర్టుతో నించున్నాడు.

READ MORE: టైగర్ 3 లో వార్ 2 కొత్త విలన్ .. ఆ హైప్ అంతా తారక్ కోసమేనా?

అంతేకాకుండా కొద్ది రోజుల పాటు హృతిక్ రెస్ట్ తీసుకోవాలని కూడా వైద్యులు తెలిపినట్లు తెలుస్తోంది. దీంతో ఈ ఫొటో చూసిన ప్రేక్షకాభిమానులు ఆందోళన చెందుతున్నారు. ‘వార్ 2’ షూటింగ్‌లో తమ అభిమాన హీరో గాయపడినట్లు ఫ్యాన్స్ చర్చించుకుంటున్నారు. ఏది ఏమైనా ఆయన త్వరగా కోలుకోవాలని ఆశిస్తూ కామెంట్లు పెడుతున్నారు.

Share

• 
• 
• 
• 
• 
•