Digital Loan App (today news telugu):

ప్రస్తుతం డిజిటల్ లోన్ యాప్‌లకు మంచి ఆదరణ లభిస్తోంది. ఇంట్లోనే ఉండి, ఆన్‌లైన్‌లోనే రుణం తీసుకునే వెసులుబాటు, అతి తక్కువ సమయంలోనే లోన్ పొందే అవకాశం ఉండటం దీనిలో సానుకూల అంశాలు. అయితే.. ఇందులో కొన్ని ప్రతికూల అంశాలూ ఉన్నాయి. అవేమిటో తెలుసుకుందాం.

లోన్ నిబంధనలు, షరతులు, తిరిగి చెల్లించే పద్ధతి, వడ్డీరేటు, గడువు, పెనాల్టీ, వంటివాటిని గురించి క్షుణ్ణంగా అడిగి తెలుసుకోవాలి. లోన్ పేరుతో మితిమీరిన రీతిలో వ్యక్తిగత సమాచారం సేకరించటం ప్రమాదం. అందుకే యాప్ వారి ప్రైవసీ పాలసీ ఏమిటో తెలుసుకోవాలి. మెరుగైన కస్టమర్‌ సర్వీస్‌, రుణ గ్రహీతలను వేధించడం వంటి అంశాల ప్రాతిపదికన యాప్ రివ్యూలు చదివి ఒక అవగాహనకు రావాలి.

డిజిటల్‌ రుణం తీసుకోవడంలో క్రెడిట్‌స్కోర్‌ కీలక పాత్ర పోషిస్తుంది. రుణం తీసుకున్న ప్రతిసారీ దీనిపై ప్రభావం పడుతుంది. తక్కువ సమయంలో అనేక సార్లు రుణాలు తీసుకుంటే క్రెడిట్‌స్కోర్‌ తగ్గుతుంది గనుక తక్కువ టైంలో ఎక్కువ రుణాలు తీసుకోవద్దు. క్రెడిట్‌ రిపోర్ట్‌ను ఎప్పటికప్పుడు తనిఖీ చేసుకోండి. ఏదైనా తప్పులుంటే సరిచేసుకున్నాకే రుణం కోసం ప్రయత్నించండి. చివరిగా… రుణం తీసుకునే ముందు తిరిగి చెల్లించే అవకాశాన్ని ఒకటికి రెండుసార్లు పరిశీలించి నిర్ణయం తీసుకోవాలి.

Share

• 
• 
• 
• 
• 
•