Rs 1 lakh 20,000 off on Tata Nexon EV and Tiago EV:ప్రముఖ వాహన తయారీ సంస్థ టాటా మోటార్స్ ఎలక్ట్రిక్ ఫోర్-వీలర్ రంగంలో అగ్రస్థానంలో ఉంది. దీని పోర్ట్ఫోలియోలో టాటా నెక్సాన్ ఈవీ, టాటా టియాగో ఈవీ, టాటా టిగోర్, టాటా పంచ్ ఈవీలు ఉన్నాయి. ఇప్పుడు వీటిపై కంపెనీ కీలక నిర్ణయం తీసుకుంది. ఈ మేరకు తమ ఎలక్ట్రిక్ కార్లపై భారీ తగ్గింపును ప్రకటించింది. ఇందులో భాగంగానే తన నెక్సాన్ ఈవీ, టియాగో ఈవీ కార్ల ధరలను ఎవరూ ఊహించని విధంగా తగ్గించింది.
టియాగో ఈవీ కారుపై రూ.70 వేలు తగ్గించింది. దీంతో ఈ కారు రూ.7.99 లక్షల (ఎక్స్-షోరూమ్) ధరతో అందుబాటులో ఉంది. అలాగే దీంతోపాటు టాటా నెక్సాన్ ఈవీ కారుపై దాదాపు రూ.1.20 లక్షలు తగ్గించి అందరినీ ఆశ్చర్యపరచింది. దీంతో ఈ కారు రూ.14.49 లక్షల (ఎక్స్-షోరూమ్)కు అందుబాటులో ఉంది. ఈ ఈవీ కారు లాంగ్ రేంజ్ వెర్షన్ ధర రూ.16.99 లక్షల (ఎక్స్ షోరూమ్) నుంచి స్టార్ట్ అవుతుంది.
ఇక ఇవి కాకుండా ఇటీవల విడుదల చేసిన టాటా పంచ్ ఈవీ ధరలలో ఎలాంటి మార్పు లేదు. దీంతో ఇండియాలో ఎలక్ట్రిక్ కార్ల ధరలను తగ్గించి మొదటి కంపెనీగా టాటా మోటార్స్ నిలిచింది.
Read More: ఈ కార్లపై కళ్లుచెదిరే డిస్కౌంట్స్.. రూ.1.82 లక్షల వరకు.. ఫిబ్రవరి 29 చివరి తేదీ!
అయితే ఈ టాటా నెక్సాన్ ఈవీ.. క్రియేటివ్, ఫియర్లెస్, ఎంపవర్డ్ అనే మూడు వేరియంట్లలో అందుబాటులో ఉంది. ఇందులో మీడియం వెర్షన్ సింగిల్ ఛార్జింగ్తో దాదాపు 325 కిలోమీటర్లు ప్రయాణం చేస్తుంది. అలాగే లాంగ్ రేంజ్ వెర్షన్ 465 కిలో మీటర్లు ప్రయాణిస్తుందని కంపెనీ చెబుతోంది.
ఇక టాటా టియాగో ఈవీ.. ఎక్స్ఈ, ఎక్స్టీ, ఎక్స్ జెడ్ ప్లస్, ఎక్స్ జెడ్ ప్లస్ లక్స్ వంటి నాలుగు వేరియంట్లలో లభిస్తున్నాయి. ఇందులో మీడియం రేంజ్ వేరియంట్కు ఒక్కసారి ఛార్జింగ్ పెడితే దాదాపు 250 కిలోమీటర్లు ప్రయాణిస్తుంది. అలాగే లాంగ్ వేరియంట్ 315 కిలోమీటర్లు ప్రయాణిస్తుంది.
ఇటీవల ఎలక్ట్రిక్ కార్లలో బ్యాటరీ సెల్స్ ధరలు భారీ తగ్గాయి. ఈ తరుణంలోనే టాటా మోటార్స్ తన టియాగో ఈవీ, నెక్సాన్ ఈవీ మోడల్ కార్ల ధరలను తగ్గించింది.
Read More: ఎలక్ట్రిక్ కారుపై బంపరాఫర్.. ఏకంగా లక్ష రూపాయల డిస్కౌంట్.. త్వరపడండి!
అయితే ప్రస్తుతం దేశమంతా ఎలక్ట్రిక్ వాహనాల మీదే ఆసక్తి చూపించడంతో దేశ వ్యాప్తంగా వీటిని అందుబాటులో తీసుకోచ్చామని కంపెనీ ప్రతినిధి ఒకరు తెలిపారు. అంతేకాకుండా ఎలక్ట్రిక్ వాహనాల కొనుగోళ్లను మరింత పెంచాలని లక్ష్యంగా పెట్టుకున్నట్లు చెప్పుకొచ్చారు.