Infosys Narayana Murthy : ఎంత ఎదిగినా ఒదిగి ఉండటం మంచి లక్షణం. ఇన్ఫోసిన్ వ్యవస్థాపకుడు నారాయణమూర్తి, ఆయన కుటుంబం సింప్లిసిటీకి మారుపేరు. దీనిని రుజువు చేసేలా.. బ్రిటన్ ప్రథమ మహిళ, తన బిడ్డ అక్షతా మూర్తితో కలిసి ఆయన ఐస్క్రీంను ఆస్వాదిస్తున్న తాజా చిత్రం సామాజిక మాధ్యమాల్లో వైరలైంది.
ఆహా.. ఏమి సింప్లిసిటీ అని నెటిజన్లు అంటున్నారు. బెంగళూరు వచ్చిన అక్షత.. జయానగర్లోని ప్రసిద్ధ పార్లర్ కార్నర్ హౌస్లో తండ్రితో కలిసి ఐస్క్రీం రుచి చూశారు. సాదాసీదా దుస్తులతో.. చేతుల్లో ఐస్ క్రీం కప్పులు పట్టుకుని ఉన్న వారిద్దరినీ కార్నర్ హౌస్ యాజమాన్యం క్లిక్ మనిపించింది.
కన్జర్వేటివ్ పార్టీ నేత, బ్రిటన్ ప్రధాని రిషి సునాక్ను అక్షత పెళ్లాడిన సంగతి తెలిసిందే. రాజు అయినా తల్లికి కొడుకే అన్న చందంగా బ్రిటన్ ప్రధాని భార్య అయిన అక్షత.. ఎంతో సింపుల్గా తండ్రితో కలిసి ఫ్యామిలీ టైంను ఎంజాయ్ చేయడాన్ని చూసి నెటిజన్లు ఫిదా అవుతున్నారు.