NASA Spots Super Earth(Today’s news in telugu): మన భూగోళం కన్నా 30-70% పెద్దగా ఉన్న సూపర్‌ఎర్త్‌ను నాసా శాస్త్రవేత్తలు గుర్తించారు. 137 కాంతి సంవత్సరాల దూరంలో ఉన్న మరో సౌరవ్యవస్థలో ఆ గ్రహం ఉందట. దానిని TOI-715 b గా వ్యవహరిస్తున్నారు.

భూమిలాగే ఓ నక్షత్రం చుట్టూ అది పరిభ్రమిస్తోంది. అంత సుదూరాన ఉన్న ఆ గ్రహంపై నీరు ఉండటానికి అవసరమైన క‌చ్చిత ఉష్ణోగ్రతలు ఉన్నాయని నాసా చెబుతోంది. అయితే అదొక్కటే కాకుండా.. ఉపరితలంపైజలం ఉండాలంటే మరెన్నో కారణాలు దోహదపడతాయి. వాటిలో వాతావరణం ఒకటి.

Read More: Whatsapp New Feature: వాట్సాప్ నుంచి అదిరిపోయే ఫీచర్.. ఇకపై ఏ యాప్‌కైనా మెసేజ్ పంపొచ్చు!

తాను తిరిగే నక్షత్రానికి ఆ సూపర్ ఎర్త్ 19 రోజులు మాత్రమే దగ్గరగా పరిభ్రమిస్తున్నట్టు గుర్తించారు. అదీ గాక ఆ నక్షత్రం మన సూర్యుడితో పోలిస్తే.. అంత వేడిగా లేదు. పెద్దది కూడా కాదు. అంటే సూపర్ ఎర్త్‌పై వాతావరణం మన కన్నా భిన్నంగా ఉంటుందని భావిస్తున్నారు. కొత్తగా కనుగొన్న ఈ భూగ్రహం గురించి వివరాలు రాయల్ ఆస్ట్రనామికల్ సొసైటీలో ప్రచురితమయ్యాయి.

అయితే గోల్డీలాక్స్ రీజియన్.. అంటే ఆవాసయోగ్య ప్రాంతంలోనే సూపర్‌ఎర్త్ పరిభ్రమిస్తున్నట్టు నాసా చెబుతోంది. భూవాతావరణం ఉన్న ఇలాంటి గ్రహాల కోసమే శాస్త్రవేత్తలు దీర్ఘకాలంగా పరిశోధనలు చేస్తున్నారు. టాన్సిటింగ్ ఎక్సోప్లానెట్ సర్వే శాటిలైట్(TESS) ఈ గ్రహాల కదలికలను గమనిస్తుంటుంది. తాజాగా సూపర్ ఎర్త్ ఉనికి కూడా అలాగే వెలుగులోకి వచ్చింది. TOI-715 b గ్రహాన్ని జేమ్స్ వెబ్ టెలిస్కోప్ ద్వారా మరింత నిశితంగాపరిశీలించి మరిన్ని వివరాలను తెలుసుకునే ప్రయత్నంలో నాసా శాస్త్రవేత్తలు ఉన్నారు.

భూమి నుంచి 16 లక్షల కిలోమీటర్ల దూరంలో రోదసిలో ఉన్న ఈ టెలిస్కోప్ ద్వారా ఎక్సో ప్లానెట్లను ఆవరించి ఉన్న వాతావరణాన్ని, అక్కడి స్థితిగతులను మరింత లోతుగా అధ్యయనం చేయడానికి వీలుంటుంది.

Share

• 
• 
• 
• 
• 
•