Bandla Ganesh Application For Congress MP Ticket : మల్కాజ్ గిరి కాంగ్రెస్ ఎంపీ టిక్కెట్ కోసం సినీ నిర్మాత బండ్ల గణేష్ దరఖాస్తు చేసుకున్నారు. కాంగ్రెస్ ఎంపీ టిక్కెట్ల కోసం చాలామంది దరఖాస్తు చేసుకున్నారు.
Bandla Ganesh MP Application : వచ్చే సార్వత్రిక ఎన్నికల్లో పోటీ చేసేందుకు సినీ నిర్మాత బండ్ల గణేష్ సిద్ధమయ్యారు. కాంగ్రెస్ నుంచి ఎంపీగా పోటీ చేయాలని భావిస్తున్నారు. మల్కాజిగిరి టిక్కెట్ కోసం బండ్ల గణేశ్ దరఖాస్తు చేసుకున్నారు. అయితే మల్కాజిగిరి స్థానం కోసం మాజీ ఎమ్మెల్సీ కపిలవాయి దిలీప్కుమార్ కూడా దరఖాస్తు చేసుకున్నారు.
అలాగే కాంగ్రెస్ నుంచి చాలామంది ఎంపీ టిక్కెట్ కోసం దరఖాస్తులు చేసుకున్నారు. డిప్యూటీ సీఎం మల్లు భట్టి విక్రమార్క సతీమణి నందిని ఖమ్మం నుంచి పోటీ చేయాలని యోచనలో ఉన్నారు. ఆమె తరఫున అనుచరులు గాంధీ భవన్లో ఎంపీ టిక్కెట్ కు దరఖాస్తు చేశారు. కాంగ్రెస్ సీనియర్ నేత వీహెచ్ అదే స్థానాన్ని ఆశిస్తున్నారు. ఖమ్మం ఎంపీ సీటు కోసం వీహెచ్ దరఖాస్తు చేశారు. భువనగిరి ఎంపీ స్థానానికి పీసీసీ ఉపాధ్యక్షుడు చామల కిరణ్ కుమార్రెడ్డి దరఖాస్తు చేశారు. పీసీసీ అధికార ప్రతినిధి చనగాని దయాకర్, కె.నగేశ్ కూడా ఎంపీ టిక్కెట్ల కోసం దరఖాస్తు చేశారు.
నాగర్ కర్నూల్ స్థానాన్ని మాజీ ఎంపీ మంద జగన్నాథం ఆశిస్తున్నారు. నిజామాబాద్ ఎంపీ సీటు కోసం మాజీ ఎమ్మెల్సీ ఆకుల లలిత, వరంగల్ టిక్కెట్ కోసం న్యాయవాది చల్లూరి మధు దరఖాస్తు చేసుకున్నారు.