Samantha on MYOSITIS : తెలుగు, త‌మిళ చిత్రాల్లో గ్లామ‌ర‌స్ పాత్ర‌ల‌తో పాటు పెర్ఫామెన్స్ ఓరియెంటెడ్ సినిమాల్లో న‌టిస్తూ న‌టిగా త‌న‌కంటూ ఓ స్థానాన్ని, అభిమానుల‌ను సంపాదించ‌కున్న వ్య‌క్తి సమంత. సినిమాల్లోనే కాదు.. రియ‌ల్ లైఫ్‌లోనూ ఆమె ఫైట‌ర్. ఎందుకంటే ప్ర‌స్తుతం ఆమె మియోసైటిస్ అనే కండరాల సంబంధిత వ్యాధితో బాధ‌ప‌డుతున్నారు. ఈ విష‌యాన్ని ఆమెనే స్వ‌యంగా తెలియ‌జేసిన సంగ‌తి తెలిసిందే. ఇంత క‌ష్టంలోనూ సమంత సినిమా కోసం క‌ష్ట‌ప‌డుతున్నారు. ఆమె టైటిల్ పాత్ర‌లో న‌టించిన చిత్రం ‘యశోద’ నవంబర్ 11న పాన్ ఇండియా మూవీగా రిలీజ్ కానుంది.
అనారోగ్య స‌మ‌స్య‌లున్నా కూడా సినిమా ప్ర‌మోష‌న్స్ కోసం ఆమె ప్ర‌త్యేక‌మైన ఇంట‌ర్వ్యూ ఇచ్చారు. ఎమోష‌న‌ల్‌గా త‌న ప‌రిస్థితి గురించి చెబుతూ క‌న్నీళ్లు పెట్టేసుకున్నారు సామ్‌. స‌ద‌రు ఇంట‌ర్వ్యూలో మియోసైటిస్ స‌మ‌స్య గురించి వేసిన ప్ర‌శ్న‌కు ఆమె దాచుకోకుండా స‌మాధానం ఇచ్చారు. కొ‘‘న్ని సంద‌ర్భాల్లో అయితే ఓ అడుగు కూడా వేయ‌లేన‌నిపించింది. కొన్ని సార్లైతే ఇంత దూరం వ‌చ్చేశానా అనిపించింది. ఏదేమైనా పోరాడాలంతే. నేను నా ఆరోగ్య ప‌రిస్థితి గురించి చెప్పిన‌ప్పుడు నా ప్రాణాల‌కు హాని ఉందంటూ చాలా మంది రాశారు. అయితే వారు రాసిన‌ట్లు నా లైఫ్ థ్రెట్‌లో లేదు. ప్ర‌స్తుతానికి నేనింకా చావ‌లేదు. క‌ష్ట‌మైన స్టేజ్‌లోనే ఉన్నాను. అయితే పోరాడాలంతే’’ అన్నారు.
యశోద చిత్రాన్ని హరి, హరీష్ అనే డెబ్యూ డైరెక్టర్స్ తెరకెక్కించారు. సరోగసీ లో జరిగే క్రైమ్ కాన్సెప్ట్‌తో సినిమా తెరకెక్కింది. మణిశర్మ సంగీతం అందించిన ఈ చిత్రానికి సుకుమారన్ సినిమాటోగ్రఫీ అందించగా పులగం చిన్నారాయణ, డా.చల్లా భాగ్యలక్ష్మి మాటలను రాశారు.
Share
Chinese Smartphone : డీఎస్ఎల్ఆర్ కెమెరా క్వాలిటీతో ఫొటోలు, వీడియోలు తీసే మొబైల్ వచ్చేస్తోంది
Solar-powered charging station : 8 నిమిషాల్లో 20 కార్లను ఛార్జింగ్ చేసే సోలార్ పవర్ స్టేషన్ ను నెలకొల్పిన చైనా
