Animal movie: రణ్బీర్ కపూర్ – సందీప్ వంగా కాంబినేషన్లో రూపొందిన లేటెస్ట్ యాక్షన్ డ్రామా ‘యానిమల్’. ఇటీవలే ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద ఘన విజయాన్ని అందుకుంది. అంతేకాదు.. ప్రపంచవ్యాప్తంగా దాదాపు రూ.900 కోట్లకు పైగా వసూళ్లను రాబట్టి అదరగొట్టింది. ఇక థియేటర్లలో దుమ్ము దులిపేసిన ఈ సినిమా ఎప్పుడెప్పుడు ఓటీటీలోకి వస్తుందా? అని సినీ ప్రియులు ఎదురుచూస్తున్నారు.
ఈ నేపథ్యంలో అభిమానులకు ప్రముఖ ఓటీటీ ప్లాట్ ఫార్మ్ నెట్ఫ్లిక్స్ అదిరిపోయే ట్రీట్ అందించింది. రిపబ్లిక్ డే సందర్భంగా జనవరి 26వ తేదీ అంటే.. రేపటి నుంచి ఈ సినిమా హిందీ, తెలుగు, తమిళ, కన్నడ, మలయాళ భాషల్లో స్ట్రీమింగ్కు రానున్నట్లు ప్రకటించింది. అంతేకాదు.. సినీ లవర్స్కు మరింత సర్ప్రైజ్ జోడించి ఓటీటీ వెర్షన్ అందించనున్నారు.
దాదాపు 8 నిమిషాల అదనపు నిడివితో దీన్ని తీసుకొస్తున్నట్లు తెలిపారు. థియేటర్లో చూడలేకపోయిన కొన్ని సన్నివేశాలను ఓటీటీ వెర్షన్లో చూసే అవకాశం కల్పించారు. థియేటర్లలో 3 గంటల 21 నిమిషాలు ఉన్న మూవీ రన్ టైం.. ఓటీటీ వెర్షన్లో అదనపు సన్నివేశాలను కలిపి దాదాపు మూడున్నర గంటలతో ఈ సినిమాను స్ట్రీమింగ్ చేస్తున్నారు.