Long Weekends : ఉదయం లేచిన దగ్గర్నుండీ.. రాత్రి పడుకునేంత వరకూ.. అంతా ఉరుకుల పరుగుల జీవితం. సరిగ్గా భోజనం చేసే సమయం కూడా ఉండదు. అంత బిజీ షెడ్యూల్ లో వారాంతం వస్తే.. కాస్త రిలాక్స్ అవ్వాలని ఎవరికైనా అనిపిస్తుంది. అలాంటపుడు ఇంట్లోనో, హాస్టల్స్ లోనో ఉండిపోకుండా సరదాగా ఫ్యామిలీ లేదా ఫ్రెండ్స్ తో ఎక్కడికైనా స్మాల్ పిక్ నిక్ కో.. నేచర్ కు దగ్గరగా ఉండే ప్లేస్ లకో వెళ్లాలనిపిస్తుంది. ఇలాంటప్పుడు సెలవులతో అసలు చిక్కులొచ్చిపడతాయి. అందుకే.. వారాంతపు సెలవులతో కలిసొచ్చిన లాంగ్ వీకెండ్స్ తో వరుసగా మూడ్రోజులు ట్రిప్ ను ఎంజాయ్ చేయొచ్చు. ఒక ఏడాదిలో చాలా అరుదుగా వచ్చే లాంగ్ వీకెండ్స్ ఈ ఏడాదిలో వచ్చాయి. ఆ లిస్ట్ ఏంటో ఓ లుక్కేయండి మరి.
జనవరి 26-28 వరకు..
జనవరి 26 రిపబ్లిక్ డే హాలిడే. ఆదివారం సాధారణ సెలవు. మధ్యలో శనివారం ఒక్కరోజు సెలవుంటే సరిపోతుంది. సాఫ్ట్ వేర్లు, ప్రభుత్వ ఉద్యోగులకైతే ఆ అవసరం కూడా ఉండదు. వరుసగా మూడురోజులు సెలవులే.
మార్చి 8-10
మార్చి 8వ తేదీ శుక్రవారం మహాశివరాత్రి పర్వదినం సందర్భంగా సెలవు. 9వ తేదీ రెండో శనివారం, 10 ఆదివారం. ఇది కూడా లాంగ్ వీకెండే.
మార్చి 23-25
మార్చి 25వ తేదీ సోమవారం హోలీపండుగ. దానికి ముందు నాల్గవ శనివారం, ఆదివారం ఎటూ సెలవులే.
మార్చి 29-31
మార్చి నెలలలోనే మరో లాంగ్ వీకెండ్ ఉంది. మార్చి 29 గుడ్ ఫ్రైడే హాలిడే. శనివారం ఒక్కరోజు సెలవుంటే చాలు. ఆదివారం మళ్లీ సెలవే.
ఇలా జనవరి చివరి వారంలో.. మార్చిలో ఏకంగా మూడు వారాంతాల్లో.. లాంగ్ వీకెండ్స్ వస్తున్నాయి. మరి మీరెక్కడికైనా ట్రిప్ ప్లాన్ చేస్తే.. ఈ సెలవుల్ని ఒకసారి చూసుకోండి.