Global Economy : 2024లో ప్రపంచ ఆర్థిక వ్యవస్థ బలహీనపడుతుందని.. 56% ప్రధాన ఆర్థికవేత్తలు అంచనా వేశారు. ప్రపంచం వైరుధ్యాలు, సంక్షోభాలతో సతమతమవుతున్నందున, 10 మందిలో 7 గురు ఆర్థికవేత్తలు.. ప్రపంచవ్యాప్తంగా భౌగోళిక ఆర్థిక విచ్ఛిన్నం పెరుగుతుందని భావిస్తున్నారు. 87 శాతం మంది భౌగోళిక రాజకీయాలు ప్రపంచ ఆర్థిక వ్యవస్థను మరింత అస్థిరపరుస్తాయని గమనించారు.

వరల్డ్ ఎకనామిక్ ఫోరం( WEF).. చీఫ్ ఎకనామిస్ట్ ఔట్‌లుక్ నివేదికను సోమవారం విడుదల చేసింది. గ్లోబల్ ఆర్థిక వ్యవస్థపై ప్రపంచ అనిశ్చితి ప్రభావం, ప్రపంచవ్యాప్తంగా వృద్ధి విధానాలు, వ్యాపారాలు, ఆర్థిక మార్కెట్‌లపై AIలో పెరుగుతున్న పురోగతి ప్రభావాన్ని ఈ నివేదిక అన్వేషిస్తుంది.

2024లో కార్మిక మార్కెట్లు (77 శాతం).. ఆర్థిక పరిస్థితులు (70 శాతం) సడలుతాయని.. అంటే అందుబాటులో ఉన్న ఉద్యోగాల కంటే మార్కెట్‌లో ఎక్కువ మంది నిరుద్యోగులు ఉంటారని ఆర్థికవేత్తలు అంచనా వేస్తున్నారు.

ఇంటర్నేషనల్ లేబర్ ఆర్గనైజేషన్ (ILO) తాజా నివేదిక ప్రకారం, ఈ సంవత్సరం అదనంగా 2 మిలియన్ల మంది కార్మికులు ఉద్యోగాలను వెతుక్కోనున్నారు. అయితే శ్రామిక శక్తి భాగస్వామ్య రేటు( Labor Force Participation Rate) తగ్గడం, ఉపాధి వృద్ధి ( Employement Growth) మందగించడం వల్ల ప్రపంచ నిరుద్యోగిత రేటు (Unemployment Rate) 5.1 శాతం (2023) నుంచి 5.2 శాతానికి పెరుగుతుందని అంచనా వేసింది.

రానున్న ఏడాది కాలంలో ప్రపంచ వృద్ధి అంచనాలలో వైవిధ్యాన్ని నివేదిక హైలైట్ చేస్తుంది. ప్రపంచ వృద్ధి (Global Growth) పరంగా, దక్షిణాసియా అత్యంత సానుకూల దృక్పథాన్ని కలిగి ఉందని 93 శాతం మంది ఆర్థికవేత్తలు అంచనా వేశారు. తూర్పు ఆసియా & పసిఫిక్ తర్వాత స్ధానంలో ఉంటుందని 86 శాతం మంది ఆర్థికవేత్తలు బలమైన వృద్ధిని ఆశిస్తున్నారు. అయినప్పటికీ, మెజారిటీ (82 శాతం) ఆర్థికవేత్తలు దక్షిణాసియాలో ఒక మోస్తరు నుండి అధిక ద్రవ్యోల్బణం ఉంటుందని అంచనా వేస్తున్నారు.

చైనా మాత్రం మధ్యస్థ వృద్ధి (Moderate Growth)లో ఉంటుందని 69 శాతం ఆర్థికవేత్తలు అంచనా వేస్తున్నారు.

మరోవైపు, ఈ నివేదిక యూరప్‌కు ఖచ్చితమైన అంచనాను తెలిపింది. బలహీనమైన నుండి చాలా బలహీనమైన వృద్ధిని 77 శాతం మంది ఆర్థికవేత్తలు అంచనా వేశారు. అదేవిధంగా, 2024లో యూఎస్‌ మితమైన లేదా అధిక వృద్ధిని అందుకోనుందని 56 శాతం మంది అంచనా వేస్తున్నారు.

మిడిల్ ఈస్ట్‌లో మూడు నెలలకు పైగా ఇజ్రాయెల్-హమాస్ యుద్ధం కొనసాగుతున్నప్పటికీ, మితమైన లేదా బలమైన వృద్ధిని అంచనా వేస్తున్నారు. లాటిన్ అమెరికా, కరేబియన్, సబ్-సహారా ఆఫ్రికాలో 70 శాతం, 65 శాతం ఆర్థికవేత్తలు వరుసగా మితమైన వృద్ధిని అంచనా వేస్తున్నారు.

సబ్-సహారా ఆఫ్రికా (36 శాతం), లాటిన్ అమెరికా.. కరేబియన్ (26 శాతం), మిడిల్ ఈస్ట్.. ఉత్తర అమెరికా (25 శాతం)లో అధిక ద్రవ్యోల్బణాన్ని నాలుగో వంతు మంది ఆర్థికవేత్తలు అంచనా వేస్తున్నారు.

ప్రపంచ ఆర్థిక వ్యవస్థపై భౌగోళిక రాజకీయ సంక్షోభాల ప్రభావం గురించి, ఆర్థికవేత్తలు బలమైన ఏకాభిప్రాయాన్ని కలిగి ఉన్నారు. ఇటువంటి పరిణామాలు ఆర్థిక కార్యకలాపాలు, పెట్టుబడి ప్రవాహాలపై ప్రభావం చూపుతాయని 86 శాతం మంది స్థానికీకరణను, 80 శాతం మంది భౌగోళిక ఆర్థిక వ్యవస్థలు బలపడతారని భావిస్తున్నారు.

ఇంకా, 64 శాతం మంది ప్రతివాదులు 2024లో ఆర్థిక కార్యకలాపాల ప్రపంచీకరణ( Globalisation) అసంభవమని అభిప్రాయపడ్డారు. మరో 57 శాతం మంది అసమానత మరియు ఉత్తర-దక్షిణ విభజన విస్తరిస్తామని నమ్ముతున్నారు.

పెరిగిన వాణిజ్య పరిమితుల నుంచి ప్రపంచ ఆర్థిక ఉత్పత్తిలో నష్టం 7 శాతానికి చేరుకుంటుందని అంతర్జాతీయ ద్రవ్య నిధి (IMF) పేర్కొంది. గ్లోబల్ ట్రేడ్ ఇప్పటికే 2023లో 5 శాతం క్షీణించింది. అయితే, మిత్రదేశాలలో వాణిజ్యం ఊపందుకుంది, 2023 మూడవ త్రైమాసికంలో 6.2 శాతం వృద్ధిని సాధించింది.

IT మరియు డిజిటల్ కమ్యూనికేషన్స్ వంటి పరిశ్రమలు సానుకూల దృక్పథాన్ని కలిగి ఉంటాయని.., రీటైల్, టోకు వినియోగ వస్తువులు, ఫాసిల్ ఫ్యూయెల్స్, ఆర్థిక, వృత్తిపరమైన, రియల్ ఎస్టేట్ సేవలు, లీజర్, ప్రయాణం.. సానుకూల దృక్పథాన్ని కలిగి ఉంటాయని పేర్కొంది. 2024లో తయారీతో సహా పలు పరిశ్రమలు మరింత ప్రతికూల దృక్పథం కలిగి ఉంటాయని తెలిపింది.

గత సంవత్సరంలో, ఆర్టిఫిషియల్ ఇంటెలిజెన్స్ భారీ పురోగతిని సాధించిందని.. ఆటోమోటివ్ పరిశ్రమ.. లాజిస్టిక్స్, మరిన్ని రంగాలలో సామర్థ్యాన్ని AI మెరుగుపరిచిందని పేర్కొంది. ChatGPT,BARD వంటి ఉత్పాదక AI సాధనాలు ఇతర వ్యాపారాల కోసం కొత్త అవకాశాలకు దారులు తెరిచాయని అభిప్రాయపడింది.

ఈ సంవత్సరం అధిక-ఆదాయ ఆర్థిక వ్యవస్థలలో ఉత్పాదక AI అవుట్‌పుట్ ఉత్పత్తి (79 శాతం), ఆవిష్కరణ (74 శాతం) సామర్థ్యాన్ని పెంచుతుందని చాలా మంది ఆర్థికవేత్తలు గమనించారు. రాబోయే ఐదేళ్లలో, ఈ సాంకేతికతలు అధిక-ఆదాయ ఆర్థిక వ్యవస్థలలో ఆర్థికంగా కీలకంగా మారుతాయని 94 శాతం మంది అంచనా వేస్తున్నారు. తక్కువ-ఆదాయ ఆర్థిక వ్యవస్థలకు ఇది కేవలం 53 శాతం మాత్రమే అని తెలిపారు.

Share

• 
• 
• 
• 
• 
•