Lai Ching Te | తైవాన్లోని డెమోక్రటిక్ ప్రొగ్రెసివ్ పార్టీ వరుసగా మూడోసారి ఎన్నికల్లో విజయం సాధించింది. డెమోక్రటిక్ ప్రొగ్రెసివ్ పార్టీ అగ్రనేత ‘లాయ్ చింగ్ తె’ అధ్యక్షుడిగా ఎన్నికయ్యారు.
Lai Ching Te | తైవాన్లోని డెమోక్రటిక్ ప్రొగ్రెసివ్ పార్టీ వరుసగా మూడోసారి ఎన్నికల్లో విజయం సాధించింది. డెమోక్రటిక్ ప్రొగ్రెసివ్ పార్టీ అగ్రనేత ‘లాయ్ చింగ్ తె’ అధ్యక్షుడిగా ఎన్నికయ్యారు. తైవాన్ ప్రెసిడెంట్ ఎన్నికల రేసులో అతిపెద్ద ప్రతిపక్ష పార్టీ కౌమిన్టాంగ్ తరపున హౌ యుఇ, మరో పార్టీ తైవాన్ పీపుల్స్ పార్టీ తరపున కొవెన్ జె కూడా పోటీ చేశారు. వీరిద్దరిలో కొవెన్ జె ఇంతకుమందు తైవాన్ రాజధాని ‘తై పెయ్’ నగర మేయర్గా పనిచేశారు.
నూతన ప్రెసిడెంట్గా ఎన్నికైన లాయ్ చింగ్ తె ఇంతకుముందు వైస్ ప్రెసిడెంట్ పదవిలో ఉన్నారు. ఆయన చైనా వ్యతిరేక భావజాలం కలవారు. గత కొంతకాలంగా తైవాన్ దేశాన్ని ఆక్రమించుకుంటామని చైనా ప్రెసిడెంట్ షీ జిన్ పింగ్ పలుమార్లు చెబుతున్నారు. ఈ నేపథ్యంలో చైనాకు వ్యతిరేక భావజాలం ఉన్న డెమోక్రటిక్ ప్రొగ్రెసివ్ పార్టీ భారీ మెజారిటీతో గెలుపొందింది. దీంతో చైనాకు పెద్ద షాక్ తగిలింది.
మరోవైపు ప్రతిపక్ష పార్టీ నేత హౌ యుఇ చైనాను పక్షపాతి. ఎన్నికల ప్రచారంలో ఆయన మాట్లాడుతూ.. ” తాను తైవాన్ అధ్యక్ష పదవి చేపడితే.. చైనాతో సంబంధాలు మెరుగుపరిచేందుకు కృషి చేస్తానని,” చెప్పారు.
తైవాన్లో గత కొన్ని సంవత్సరాలుగా.. చైనా వ్యతిరేకంగా ఉద్యమం నడుస్తోంది. ఎట్టి పరిస్థితిలోనూ చైనాలో తైవాన్ విలీనానికి అంగీకరించేది లేదని ఉద్యమకారులు నినాదాలు చేశారు. ఈ ఉద్యమం పలుమార్లు హింసాత్మకంగా కూడా మారింది. ఈ నేపథ్యంలో తాజాగా ఎన్నికలు జరగడంతో అందరూ ఊహించినట్లే.. చైనాను వ్యతిరేకించే పార్టీ గెలిచింది.