Astro Tips : ఉదయం చాలా విలువైనది. ఎందుకంటే ఉదయం నిద్ర లేవగానే మనసు చాలా ప్రశాంతంగా ఉంటుంది. అనేక మత గ్రంధాలలో కూడా ఇదే పేర్కొనడం జరిగింది. ఉదయం మనం పొందే శక్తి రోజంతా మనతో ఉంటుంది. ఉదయాన్నే నిద్రలేచి స్నానం చేసి.. పఠనం, పూజలు, వ్యాయామం చేస్తే రోజంతా ఉత్సహంగా, శక్తి వంతంగా ఉంటారు. కానీ ప్రస్తుత కాలంలో ఉదయం లేవగానే కొన్ని తప్పుడు పనులు చేస్తుంటారు. అలా చేయడం వలన ఏ పని కూడా సక్రమంగా జరగవని అంటున్నారు పండితులు. జ్యోతిష్య శాస్త్రం ప్రకారం.. ఉదయం నిద్రలేచిన వెంటనే కొన్ని పనులు చేయకూడదు. మరి అవేంటో ఇప్పుడు తెలుసుకుందాం.

• ఉదయాన్నే నిద్రలేవగానే కొందరికి అద్దంలో ముఖం చూసుకునే అలవాటు ఉంటుంది. జ్యోతిష్యం ప్రకారం ఇలా చేయకూడదని పండితులు చెబుతున్నారు. దీని కారణంగా ప్రతికూల శక్తి పెరుగుతుంది. ఈ ప్రభావం మన ఆలోచన శక్తిపై పడి.. చేయాల్సిన పనులు మందుకు కదలవు.

• ఉదయం లేచిన వెంటనే మురికి పాత్రలు అస్సలు చూడకూడదు. శాస్త్రాల ప్రకారం అలా చూస్తే.. శరీరంలో పాజిటివ్ ఎనర్జీ తగ్గుతుందట. వంట గదిలో మురికి పాత్రలు పేదరికాన్ని సూచిస్తుందని పండితులు చెబుతున్నారు. మురికి పాత్రలు రాత్రి సమయంలో సింక్‌లో ఉండకూడదు.

• ఉదయం లేచిన వెంటనే ఇంట్లో ఆగిపోయిన లేదా పాడైపోయిన గడియారాన్ని అస్సలు చూడకూడదు. అలా చేస్తే ఆ రోజంతా అశుభం జరుగుతుందట. లేనిపోని గొడవలు జరుగుతాయట. ఇంకా సూది గానీ, దారం గానీ చూడొద్దని జ్యోతిష్య శాస్త్రం సూచిస్తుంది.

గమనిక: ఇది జ్యోతిష్యశాస్త్రం, మత గ్రంథాల ఆధారంగా సేకరించిన సమాచారం మాత్రమే.

Share

• 
• 
• 
• 
• 
•