Mini Indias : ప్రపంచంలో ఏ మూలకెళ్లినా భారత్ ప్రభావం ఉంటుంది. అచ్చంగా మన సంస్కృతీ, సంప్రదాయాలూ, రుచులతో ‘మినీ ఇండియా’లుగా పేరు తెచ్చుకున్న కొన్ని ప్రదేశాలున్నాయి. ప్రవాస భారతీయ దివస్ సందర్భంగా అలాంటి కొన్ని ప్రదేశాల వివరాలను తెలుసుకుందాం.
మీనా బజార్, దుబయ్: భారత్ నుంచి వచ్చిన దుస్తులు, భారతీయ ఆహారం లభించే రెస్టారెంట్లున్న ఈ ప్రాంతాన్ని దుబయ్ వచ్చిన భారతీయులంతా సందర్శిస్తారు.
బ్రిక్ ఫీల్డ్స్, కౌలాలంపూర్: మలేసియా రాజధాని కౌలాలంపూర్లోని బ్రిక్ఫీల్డ్స్ ప్రాంతానికి లిటిల్ ఇండియా అని పేరు. ఇక్కడి స్థానికుల్లో అత్యధికులు భారతీయ మూలాలున్నవారే. భారత్లో దొరికే ప్రతి వస్తువూ ఇక్కడ దొరుకుతుంది. ఇక్కడి వీధుల్లో నడుస్తుంటే.. ముంబై, ఢిల్లీలో ఉన్నట్లే అనిపిస్తుంది.
డెవాన్ ఎవెన్యూ, షికాగో: అమెరికాలోని షికాగో నగరంలో ఉన్న ఈ ప్రాంతానికి వెళ్తే పెద్ద ఎత్తున భారతీయ రెస్టరెంట్లే కాదు… చీరల దుకాణాలూ అత్యధికంగా ఉంటాయి.
లిటిల్ ఇండియా, సింగపూర్: అడగడుగునా భారతీయ సంస్కృతి కనిపించే ఈ ప్రాంతంలో బోలెడన్ని భారతీయ రెస్టరెంట్లూ, దుకాణ సముదాయాలున్నాయి. షాపింగ్తో బాటు నోరూరించే భారతీయ రుచులకూ ఈ ప్రాంతం చాలా ఫేమస్.
రూ దు ఫాబొ, ప్యారిస్: ఫ్యాషన్ ప్రపంచంగా చెప్పే ప్యారిస్ చూసేందుకు వెళ్లే భారతీయులంతా తప్పనిసరిగా సందర్శించే ప్రాంతం రూ దు ఫాబొ. అక్కడ నివసించే భారతీయులకు అవసరమైన దేశీ సరుకులకే గాక ప్యారిస్ ఫ్యాషన్లు అద్దిన దుస్తులకూ ఈ ప్రాంతం ప్రసిద్ధి.