Venuswamy: ప్రముఖ జ్యోతిష్యుడు వేణుస్వామి తరచూ తన వాఖ్యలతో వార్తల్లో నిలుస్తుంటారు. సెలబ్రెటీల జాతకాలపైనే కాకుండా వారి వ్యక్తిగత జీవితాలు, కెరియర్‌పై కూడా సంచలన వ్యాఖ్యలు చేస్తుంటారు. వీటి ద్వారానే ఈయన వివాదాస్పద జ్యోతిష్యుడిగా కూడా పేరు తెచ్చుకున్నారు. అయితే కొన్ని సార్లు వేణు స్వామి చేప్పే జాతకాలు బెడిసి కొట్టడం వల్ల ట్రోలింగ్‌కు కూడా గురవుతూ ఉంటారు.

ఇదిలా ఉండగా.. తాజా ఇంటర్వ్యూలో వేణుస్వామి తన ఆస్తులు, ఇతర బిజినెస్‌ల గురించి ఆసక్తికర విషయాలు పంచుకున్నారు. తాను జాతకాలు మాత్రమే చెప్పనని అన్నారు. సినిమా సెలబ్రెటీలు, రాజకీయ నాయకులు కూడా తన దగ్గరకి వస్తారని తెలిపారు. వీటితో పాటు అనేక రకాల బిజినెస్‌లు కూడా ఉన్నాయని అన్నారు. రియల్ ఎస్టేట్, పబ్, వైన్ షాప్‌తో పాటు ఇతర వ్యాపారాలు కూడా ఉన్నాయని తెలిపారు.

అంతేకాకుండా ఒక రేంజ్ రోవర్ కార్ ఉందని కూడా చెప్పారు. కాగా జ్యోతిష్యం చెప్పేవాడి జాతకం బాగుంటే జ్యోతిష్యం ఎందుకు చెప్పుకుంటాడు అని మాట్లాడే వారికి నా సంపాదన ఇది అని సమాధానం చెబుతాను అంటూ చెప్పుకొచ్చారు. ప్రస్తుతం ఆయన వ్యాఖ్యలు నెట్టింట వైరల్ అవుతున్నాయి.

Share

• 
• 
• 
• 
• 
•