Kalki 2898AD: రెబల్ స్టార్ ప్రభాస్ ప్రస్తుతం భారీ బడ్జెట్ చిత్రాలలో నటిస్తూ బిజీగా ఉన్నాడు. అందులో ‘కల్కి 2898 ఏడీ’ ఒకటి. ఇందులో భారీ కాస్టింగ్ ఉండటంతో పాటు.. రాబోయే కాలం గురించి తెలియజేసే విధంగా ఈ చిత్రాన్ని తెరకెక్కిస్తుండటంతో అందరూ ఎంతో ఆసక్తిగా ఎదురుచూస్తున్నారు. అంతేకాకుండా ఇప్పటికే విడుదలైన గ్లింప్స్ ఈ మూవీపై అంచనాలను ఓ రేంజ్లో పెంచేసిన సంగతి తెలిసిందే. ఇదిలా ఉంటే తాజాగా ఈ సినిమాకి సంబంధించిన ఓ వార్త బయటకు వచ్చి అభిమానులను నిరాశ పరిచింది.
ఈ సినిమా రిలీజ్ డేట్ ఇప్పటికే పలుమార్లు వాయిదా పడుతూ వచ్చింది. ఇక ఇప్పుడు సమ్మర్కి ఈ మూవీ వచ్చే అవకాశం ఉందని అంతా భావించారు. అయితే తాజా సమాచారం ప్రకారం.. అది కూడా కష్టమే అన్నట్లుగా తెలుస్తోంది. సినిమా షూటింగ్ ఇంకా పూర్తి కాలేదని సమాచారం. ప్రస్తుతం ప్రభాస్, కమలహాసన్ పైన పలు సన్నివేశాలను సైతం తెరకెక్కించబోతున్నట్లు తెలుస్తోంది.
అంతేకాకుండా ఈ చిత్రానికి సంబంధించి గ్రాఫిక్స్ కూడా చాలా ఎక్కువగా ఉండడంతో దాదాపుగా ఆరు నెలల సమయం పట్టొచ్చని గుస గుసలు వినిపిస్తున్నాయి. దీంతో ఈ సినిమా సమ్మర్ నుంచి కూడా వాయిదా పడడం ఖాయమనే వార్తలు చక్కర్లు కొడుతున్నాయి. ఈ వార్తతో ప్రభాస్ అభిమానులు తెగ ఫీలైపోతున్నారు. అసలు ఈ సినిమా ఈ ఏడాది వస్తుందా? రాదా అనే సందిగ్ధంలో కొట్టిమిట్టాడుతున్నారు. కాగా ఈ చిత్రంలో దీపికా పదుకొనే, దిశా పఠాని, అమితాబ్ బచ్చన్, కమలహాసన్ వంటి స్టార్ నటీనటులు కీలక పాత్రలో నటిస్తున్నారు.