Layoff: 2024.. కొత్త ఏడాది ప్రారంభమై వారమైనా గడవలేదు. అప్పుడే ఉద్యోగులకు లే ఆఫ్ ల బెడద మొదలైంది. 2 నిమిషాల వీడియోకాల్ లో 200 మంది ఉద్యోగులకు ఉద్యాసన పలికిందో సంస్థ. ఫుల్ టైమ్, పార్ట్ టైమ్ వర్కర్లతో పాటు.. కాంట్రాక్టర్లను కంపెనీ నుంచి తొలగిస్తున్నట్లు వర్చువల్ కాల్ లో వెల్లడించింది. ఈ విషయాన్ని టెక్ క్రంచ్ అనే వెబ్ సైట్ తన కథనంలో పేర్కొంది.

ఫ్రంట్ డెస్క్ సీఈఓ జెస్సీ డిపింటో గూగుల్ మీట్ కాల్ లో మాట్లాడుతూ.. సంస్థ ప్రస్తుతం ఆర్థిక ఇబ్బందులను ఎదుర్కుంటోందని తెలిపారు. అద్దె చెల్లింపుల విషయంలో ఆర్థిక సవాళ్లున్నాయని, దివాలా ప్రక్రియకు ప్రత్యామ్నాయమైన స్టేట్ రిసీవర్ షిప్ కోసం దరఖాస్తు చేయనున్నట్లు ఆయన పేర్కొన్నారు.

2017లో స్థాపించిన ఫ్రంట్ డెస్క్ సంస్థ అమెరికా వ్యాప్తంగా 1000కు పైగా ఫర్నిష్డ్ అపార్ట్ మెంట్లను నిర్వహిస్తోంది. మార్కెట్ రేట్లకు అపార్ట్ మెంట్లను లీజుకు తీసుకుని తాత్కాలికంగా అద్దెకు ఇస్తోంది. జెట్ బ్లూ వెంచర్స్, వెరిటాస్ ఇన్వెస్ట్ మెంట్స్ వంటి పెట్టుబడిదారుల నుంచి 26 మిలియన్ డాలర్స్ ను సేకరించింది. అయినప్పటికీ కంపెనీ ఆర్థిక ఇబ్బందులను ఎదుర్కోవాల్సి వచ్చింది.

Share

• 
• 
• 
• 
• 
•