Man Attacks Judge | మాములుగా బెయిల్ ఇవ్వకపోతే దోషులు ఏం చేస్తారు? మరో వాయిదాకు అప్లై చేసుకుంటారు. కానీ అమెరికాలో ఓ దోషి మాత్రం జడ్జ్‌పై పంచ్‌ల వర్షం కురిపించాడు. ఈ దారుణ ఘటన అమెరికాలో జరిగింది. బెయిల్ పిటిషన్‌ను డిస్మిస్ చేసిందన్న కోపంతో బెంచ్‌ మీద నుంచి ఎగిరి మరి జడ్జీపై దాడి చేశాడు.

అమెరికాలోని లాస్​ వేగాస్‌​లో జరిగింది ఈ ఘటన. చోరి, దాడి కేసుల్లో దోషిగా తేలిన డియోబ్రా రిడ్డెన్‌.. జిల్లా కోర్టు జడ్జీ మేరి కే హోల్తుస్‌పై దాడికి తెగబడ్డాడు. క్రిమినల్​ హిస్టరీ ఉన్న ఇతనికి బెయిల్​ ఇవ్వలేను అంటూ తీర్పు వెలువడగానే కోపంతో రెచ్చిపోయిన రిడ్డెన్ బెంచ్‌‌పై నుంచి దూకి ఆమెపై దాడి చేశాడు.

వెంటనే తేరుకున్న సెక్యూరిటీ సిబ్బంది అతడిని వెంటనే బంధించారు. ఇప్పటికే పలు కేసుల్లో దోషిగా ఉన్న అతనిపై మరో కేసు నమోదైంది. అతడిపై కఠిన చర్యలు తీసుకునేందుకు సిద్ధమయ్యారు అధికారులు. ఇక ఈ ఘటనలో జడ్జి స్వల్పంగా గాయపడ్డారు. జడ్జితోపాటు కోర్టు మార్షల్(సెక్యూరిటీ సిబ్బంది)కి కూడా గాయాలయ్యాయి.

Share

• 
• 
• 
• 
• 
•