Covid J1: రూపం మార్చుకొని కొవిడ్ మహమ్మారి కొత్త వేరియంట్లతో జనాల్ని భయపెడుతోంది. దాదాపు కొవిడ్ వల్ల ప్రతి ఒక్కరూ ఏదోరకంగా నష్టపోయిన వారే. కోవిడ్ వ్యాక్సిన్ వేసుకుని.. కొన్ని రూల్స్ పాటించడం వల్ల దాని ప్రభావం తగ్గిపోయింది. కానీ అంతా నార్మల్ అయిపోయిందనుకునే లోపు.. వివిధ వేరియంట్ల రూపంలో వైరస్ ఎక్కడో ఒకచోట కనిపిస్తూనే ఉంది. తాజాగా దేశంలో కొవిడ్ జెఎన్​1 కేసులు పెరుగుతున్నాయి. ఈ నేపథ్యంలో వైద్య నిపుణులు కొత్త లక్షణాలను వెల్లడించారు. ఇప్పుడు అవేంటో తెలుసుకుందాం.

కొవిడ్ జెఎన్1 లక్షణాలు:

• వైరస్ సోకిన వ్యక్తుల్లో గతంలో మాదిరిగా రుచి, వాసన ఉండదు.

• కొత్తగా నిద్రలో సమస్యలు, ఆందోళన వంటి లక్షణాలు పెరిగాయి.

నిద్ర, ఆందోళన అనేది శారీరకంగానే కాకుండా మానసికంగా శరారాన్ని దెబ్బతీస్తుంది. కాబట్టి ప్రజలు దీని గురించి కచ్చితంగా అవగాహన ఉండాలి అంటున్నారు వైద్యులు. అయితే వ్యాక్సిన్స్ వల్ల రోగిలో దీని ప్రభావం ఎక్కువగా ఉండకపోవచ్చనేది కూడా ఉంది. ఈ క్రమంలోనే వైద్యాధికారులు టీకా ప్రాముఖ్యతను మరోసారి నొక్కి చెప్తున్నారు.

ఈ కొత్త వైరస్ ఎక్కువ మందికి వ్యాపించే అవకాశాలున్నాయి. శానిటైజర్ తో తరచుగా చేతులు కడుక్కోవడం, మాస్కులు వాడడం, సామాజిక దూరం పాటించడం వంటి మార్గాల ద్వారా కరోనా సోకకుండా తప్పించుకోవచ్చని అంటున్నారు వైద్య నిపుణులు.

Share

• 
• 
• 
• 
• 
•