‘దసరా’ సినిమాలో విలన్ పాత్రలో నటించి ఆకట్టుకున్నారు మలయాళ నటుడు షైన్ టామ్ చాకో. ఆ తర్వాత నాగశౌర్య నటించిన ‘రంగబలి’ చిత్రంలో కూడా విలన్‌గానే నటించి మెప్పించారు. ఇటీవలే పాన్ ఇండియా లెవెల్‌లో విడుదలైన ‘జిగర్తాండ డబుల్ ఎక్స్’ లో కూడా ఒక కీలకమైన పాత్రలో నటించారు. ప్రస్తుతం ఎన్టీఆర్ నటిస్తున్న ‘దేవర’ సినిమాలో కనిపించబోతున్నారు. ఈ తరుణంలో తాజాగా ఈ నటుడికి సంబంధించిన ఓ వార్త బయటకొచ్చి వైరల్‌గా మారింది.
నటుడు చాకోకి ప్రస్తుతం 40 ఏళ్లు. ఇప్పుడు తాను తనూజ అనే అమ్మాయితో ప్రేమలో ఉన్నానని.. తమ లవ్ స్టోరీని అఫీషియల్‌గా ప్రకటిస్తూ నిశ్చితార్థం కూడా చేసుకున్నట్లుగా అధికారికంగా ప్రకటించారు. తమ ఎంగేజ్మెంట్ ఫొటోలను కూడా సోషల్ మీడియాలో షేర్ చేశారు. మరో రెండు నెలల్లో వీరిద్దరూ కలిసి వైవాహిక జీవితంలోకి అడుగుపెట్టబోతున్నట్లు సమాచారం. మరో విషయం ఏంటంటే..
చాకోకు ఇది రెండో వివాహం అన్నట్లుగా తెలుస్తోంది. ఇదివరకే ఆయనకు తబీతా అనే మహిళతో వివాహమయినట్లుగా సమాచారం. అంతేకాకుండా వీరికి ఒక బిడ్డ కూడా ఉన్నట్లు మాలీవుడ్ మీడియాలో వార్తలు వినిపిస్తున్నాయి. అయితే వీటి పైన ఇంతవరకు సరైన క్లారిటీ రాలేదు.
Share
Srikalahasti Issue: పొలిటికల్ హీట్ పెంచుతోన్న ఆలయాల వివాదం.. శ్రీకాళహస్తిపై రాజకీయ చర్చ
Suketana Plots Scam: రియల్ ఎస్టేట్ ముసుగులో చంద్రశేఖర్ అరాచకాలు.. యాడ్స్ కోసం అన్ని కోట్లా ?
