Hanuman: క్రియేటివ్ దర్శకుడు ప్రశాంత్ వర్మ, తేజా సజ్జ కాంబినేషన్లో ఓ చిత్రం భారీ అంచనాలతో తెరకెక్కుతోంది. అయితే అందరూ అనుకుంటున్నట్లు ఈ చిత్రం టైటిల్ ‘హనుమాన్’ కాదని తెలుస్తోంది. అవునండీ మీరు విన్నది నిజమే. అదే టైటిల్ను మూవీ టీం మరో విధంగా భావిస్తోందట. మరి అది ఏవిధంగా ఇప్పుడు తెలుసుకుందాం..
ప్రస్తుతం షూటింగ్ పూర్తి చేసుకున్న ఈ చిత్రం సంక్రాంతి కానుకగా జనవరి 12న ప్రేక్షకుల ముందుకు రానుంది. ఈ నేపథ్యంలో ఈ చిత్రానికి సంబంధించిన ఓ న్యూస్ నెట్టింట వైరల్ అవుతోంది. అదేంటంటే.. బ్యాట్ మ్యాన్, స్పైడర్ మ్యాన్, యాంట్ మ్యాన్.. ఇలా మార్వెల్లో కొన్ని సినిమాలు ఉన్నాయి. ఇప్పుడు టాలీవుడ్లో ‘HanuMan’. హనుమాంతుడి పవర్స్ ఒకరికి రావడంతో అతను హనుమాన్గా మారిపోయాడని మూవీ టీం ఉద్దేశం. అందుకే ఈ సినిమాకు HanuMan అని టైటిల్ పెట్టారు.
అయితే అందరూ ‘HanuMan’ను హనుమాన్గా పిలుస్తున్నారు. వాస్తవానికి ఇది హనుమాన్ కాదు.. ‘హను మ్యాన్’ అట. ఇక ఇదే విషయాన్ని మూవీ డైరెక్టర్ ప్రశాంత్ వర్మ కూడా పలు సందర్భాల్లో చెప్పాడు. అయినా.. ఈ మూవీ టైటిల్ని హను మ్యాన్ అని కాకుండా హనుమాన్ అనే చదువుతున్నారు.