Mokshagna And Rajamouli Movie: రాజమౌళి.. ఈ పేరు వింటేనే సినీ ప్రియుల్లో ఉత్సాహం ఏరులై పారుతుంది. ఆయన ఇప్పటివరకు చేసింది కొన్ని సినిమాలే అయినా.. గ్లోబల్ వైడ్గా పేరు సంపాదించుకున్నారు. ఇక ఆయనతో సినిమా అంటే ఏ నటుడైనా ఓకే చెప్పాల్సిందే. ఇక ఇప్పటికే చాలామంది హీరోల వారసులను ఇండస్ట్రీకి పరిచయం చేశారు రాజమౌళి. ఈ కోవలోకి టాలీవుడ్కి చెందిన మరోక స్టార్ హీరో కొడుకు రాబోతున్నట్లు తెలుస్తోంది. అయితే ఆ హీరో మరెవరో కాదు.. డ్యాషింగ్ అండ్ డైనమిక్ కథానాయకుడు బాలకృష్ణ కోడుకు మోక్షజ్ఞ.
టాలీవుడ్ ఇండస్ట్రీలో నందమూరి బాలకృష్ణకు ఎంత క్రేజ్ ఉందో ప్రత్యేకంగా చెప్పాల్సిన పనిలేదు. ఆయన సినిమా రిలీజ్ అవుతుందంటే థియేటర్లు వద్ద హంగామా ఓ రేంజ్లో ఉంటుంది. మరి అలాంటి హీరో కొడుకు సినిమాల్లోకి వస్తున్నాడంటే.. ఆ లెక్కే వేరె. అదీగాక మోక్షజ్ఞ మొదటి సినిమాకు.. గ్లోబల్ డైరెక్టర్గా పేరుగాంచిన రాజమౌళి దర్శకత్వం వహించనున్నాడంటే.. ఆ ఆనందం వర్ణనాతీతం. అవునండీ మీరు విన్నది నిజమే..
ఇటీవల బాలయ్య బాబు స్వయంగా రాజమౌళికి ఫోన్ చేసి తన ఇంటికి పిలిచి మరీ మోక్షజ్ఞ ఎంట్రీ కోసం మాట్లాడినట్లు తెలుస్తోంది. అయితే రాజమౌళి కూడా ఆయన మాటను కాదనలేక.. కచ్చితంగా మోక్షజ్ఞతో సినిమా చేస్తానని అన్నాడట. అయితే దానికి కాస్త సమయం పడుతుందని చెప్పినట్ల టాక్. ఇప్పుడు మహేశ్ బాబుతో ఓ సినిమా చేస్తున్నామని.. అది పూర్తయిన తర్వాత మంచి కథ కుదిరితే తప్పకుండా సినిమా చేస్తానని హామి ఇచ్చినట్లు తెలుస్తోంది. ఈ వార్త వైరల్ అవడంతో నందమూరి ఫ్యాన్స్ తెగ సంబరపడిపోతున్నారు.