Goa Viral Video : ప్రయాణ సమయంలో తమ కార్లలో ప్రయాణికులు నిద్రపోవడం కామన్. కానీ మీరు ఎప్పుడైనా ఎవరైనా కారు రూఫ్ టాప్ పై నిద్రిస్తున్నట్లు చూశారా? నిజంగా ఇలాంటి ఘటన జరిగింది. గోవాలోని ప్రముఖ పర్యాటక కేంద్రం పర్రా కోకోనట్ ట్రీ రోడ్డులో ఈ ఘటన చోటు చేసుకుంది. గోవాలోని ఒక పర్యాటకుడు కారు రూఫ్ టాప్ పై నిద్రిస్తున్న ఇద్దరు పిల్లలతో SUV నడుపుతూ వెళ్లాడు.
ఈ ఘటనపై ఆందోళన చెందిన ఓ వ్యక్తి డ్రైవరు వద్దకు వెళ్లి ప్రశ్నించాడు. పిల్లలను కారు కదులుతున్నప్పుడు దాని పైన పడుకోబెట్టడాన్ని ప్రశ్నించాడు. డ్రైవర్ స్పందిస్తూ తాను రివర్స్ టర్న్ తీసుకుంటున్నానని చెప్పాడు. ఇద్దరు పిల్లలు కారు రూఫ్ టాప్ పై నిద్రిస్తుండగా ఎస్యూవీ కారు వెళ్తున్న ఈ వీడియో సోషల్ మీడియాలో వైరల్గా మారింది. డిసెంబర్ 27 న ట్విట్టర్ ( X) లో ఈ వీడియో కనిపించింది. ఈ ఘటనపై పోలీసులు కేసు నమోదు చేశారు.