RGV : సినీ డైరెక్టర్ రామ్ గోపాల్ వర్మ ఏపీ డీజీపీ రాజేంద్రనాథ్ రెడ్డిని కలిశారు. ఓ చర్చా కార్యక్రమంలో తనపై వివాదస్పద వ్యాఖ్యలు చేసిన కొలికపూడి శ్రీనివాస్పై ఆయన ఫిర్యాదు చేశారు. వెంటనే ఆయనపై చట్టపరమైన చర్యలు తీసుకోవాలని ఫిర్యాదులో పేర్కొన్నారు.
అమరావతి ఉద్యమ నేత కొలికపూడి శ్రీనివాసరావు చేసిన బహిరంగ వ్యాఖ్యలు దుమారం రేపుతున్నాయి. సమాజానికి కంటకంగా మారిన ఆర్జీజీ తల నరికి తెస్తే కోటి రూపాయలు బహుమతి ఇస్తానని ఓ టీవీ షో డిబేట్ లో కొలికపూడి శ్రీనివాసరావు అన్నారు. దీనికి సంబంధించిన వీడియో వైరల్గా మారింది.
ఇప్పటికే ఈవీడియోను ఏపీ పోలీసులకు ట్యాగ్ చేస్తూ ట్వీట్ చేశారు ఆర్జీవీ. కొలికపూడి తనను చంపించేందుకు కాంట్రాక్ట్ ఇచ్చాడని.. యాంకర్ అతడికి తెలివిగా సాయం చేశాడన్నారు. తన హత్యకు సంబంధించి కొలికపూడి చేసిన వ్యాఖ్యలను మూడు సార్లు రీపిట్ అయ్యేలా చేశారంటూ ట్వీట్ చేశారు ఆర్జీవీ. ఈ అంశంపైనే డీజీపీని కలిసి ఫిర్యాదు చేశారు ఆర్జీవీ.