IPS Naveen Kumar : ఐపీఎస్ నవీన్ కుమార్ ను పోలీసులు అదుపులోకి తీసుకున్నారు. బేగంపేటలో మాజీ ఐఏఎస్ భన్వర్ లాల్ ఇంట్లో నవీన్ అద్దెకు ఉంటున్నారు. అయితే ఫేక్ డాక్యుమెంట్స్ క్రియేట్ చేసి ఆ ఇంటిని సొంతం చేసుకోవాలని భావించడంతో అరెస్ట్ చేసినట్లు అధికారులు వెల్లడించారు. ప్రస్తుతం పోలీస్ అకాడమీలో నవీన్ కుమార్ బాధ్యతలు నిర్వహిస్తున్నారు.
మరోవైపు ఐపీఎస్ నవీన్ కుమార్ అరెస్టును బీసీ సంఘాలు ఖండించారు. ఈ మేరకు 21 బీసీ సంఘాలు నవీన్ అరెస్టును ఖండిస్తూ ప్రెస్ నోట్ రిలీజ్ చేశారు. సీఎం రేవంత్ రెడ్డి ఈ విషయంలో జోక్యం చేసుకొని నవీన్ కుమార్ ని రిలీజ్ చేయాలని డిమాండ్ చేస్తున్నారు.