Pregnant Women : మహిళలు తల్లి అవడం ఒక ప్రత్యేక అనుభూతి. గర్భం దాల్చినప్పుడు వారి ఆనందం మాటల్లో చెప్పలేనిది. ఇలాంటి పరిస్థితుల్లో కాబోయే అమ్మలు మంచి పౌష్టికాహారం తీసుకోవాలి. దీంతోపాటు మరింత శక్తిని పుంజుకోవాలంటే విటమిన్స్, మినరల్స్ ఉన్న జ్యూసులు తాగడం కూడా అంతే ముఖ్యం. మరి కాబోయే తల్లులకు మేలు చేసే డ్రింక్స్ ఏవో చూద్దామా!

అల్లం పాలు
గర్భవతులు అల్లం పాలు తాగడం వల్ల వాంతుల సమస్య తగ్గుతుంది. అలాగే ఉదర సంబంధిత సమస్యలు అంటే.. అజీర్తి, కడుపు ఉబ్బరం, కడుపులో వికారం వంటి సమస్యలు తగ్గుతాయి.

వేడినీటి నిమ్మరసం
ఇమ్యూనిటీని పెంచడంలో నిమ్మరసం సహాయపడుతుంది. వేడినీటిలో నిమ్మరసం కలుపుకుని తాగితే.. సీజనల్ వ్యాధులు బారిన పడకుండా ఉంటారు. అలాగే పుట్టే బిడ్డ కూడా ఆరోగ్యంగా ఉంటుంది.

చికెన్-ఆనియన్ సూప్
ఈ సూప్ తాగితే రోగనిరోధక శక్తి పెరుగుతుంది. కండరాలు బలపడతాయి. కండరాలు బలంగా ఉంటే మహిళలకు గర్భాన్ని మోయడంలో ఇబ్బంది ఉండదు.

వేడి పాలు
గర్భవతులు క్రమం తప్పకుండా వేడి పాలు తాగితే కూడా రోగనిరోధక శక్తి పెరుగుతుంది. దీంతో కాబోయే తల్లలు పదే పదే అనారోగ్యానికి గురవ్వకుండా ఆరోగ్యంగా ఉంటారు.

Share

• 
• 
• 
• 
• 
•