Urvashi Rautela : మెగాస్టార్ చిరంజీవి టైటిల్ పాత్రలో నటిస్తోన్న తాజా చిత్రం ‘వాల్తేరు వీరయ్య’. మాస్ మహారాజా రవితేజ ఇందులో కీలక పాత్రలో నటిస్తున్నారు. శ్రుతీ హాసన్ హీరోయిన్‌గా నటిస్తోంది. బాబీ దర్శకత్వంలో మైత్రీ మూవీ మేకర్స్ సినిమాను నిర్మిస్తోంది. వచ్చే సంక్రాంతి సందర్భంగా సినిమాను విడుదల చేయబోతున్నట్లు మేకర్స్ ఇప్పటికే అనౌన్స్ చేసిన సంగతి తెలిసిందే. ఈ మూవీ ఫైనల్ స్టేజ్ షూటింగ్‌ను జరుపుకుంటోంది. అందులో భాగంగా చిరంజీవి, రవితేజలపై ఓ స్పెషల్ సాంగ్‌ను చిత్రీకరించారు. ఈ సాంగ్‌లో చిరు, రవితేజల పక్కన్న ఎవరినీ స్టెప్పులేయించాలని మేకర్స్ చాలానే ఆలోచించారు. చివరకు బాలీవుడ్ బ్యూటీ ఊర్వశి రౌతేలాను రంగంలోకి దించారు.

రీసెంట్‌గానే రామ్ పోతినేని, బోయపాటి శ్రీను చిత్రంలో స్పెషల్ సాంగ్‌లో నటించిన ఊర్వశి రౌతేలా ఇప్పుడ వాల్తేరు వీరయ్యలో చిరంజీవి, రవితేజలతోనూ ఆడిపాడింది. స్పెషల్ సాంగ్స్‌కు అదిరిపోయే ట్యూన్స్ అందించే మ్యూజిక్ డైరెక్టర్ దేవి శ్రీ ప్రసాద్ మరోసారి తనదైన మార్క్ మాస్ బీట్‌ను అందించారని చిత్ర యూనిట్ చెబుతుంది. శేఖర్ మాస్టర్ అదిరిపోయే స్టెప్పులను కంపోజ్ చేశారట. రీసెంట్‌గా విడుదలైన వాల్తేరు వీరయ్య టైటిల్ టీజర్‌కి అమేజింగ్ రెస్పాన్స్ వచ్చిన సంగతి తెలిసిందే. ఇందులో చిరంజీవి తమ్ముడి పాత్రలో రవితేజ కనిపించబోతున్నారనేది ఇండస్ట్రీ వర్గాల సమాచారం.

Share

• 
• 
• 
• 
• 
•