Family-Owned Businesses : ప్రపంచ ఆర్థికాభివృద్ధిలో కుటుంబ వ్యాపారాల పాత్ర అంతా ఇంతా కాదు. గ్లోబల్ ఎంటర్ ప్రైజెస్ లో 90% కుటుంబ వ్యాపారాలదే. ఆంత్రప్రెన్యూర్షిప్, ఉపాధి కల్పనకు చోదకశక్తిగా నిలిచాయి. వాల్మార్ట్ నుంచి ఫోర్డ్ వరకు ప్రపంచ దిగ్గజ సంస్థలన్నీ కుటుంబాలు నడుపుతున్నవే.
ఫ్యామిలీ ఓన్డ్ బిజినెసెస్లో భారత్ది అగ్రతాంబూలం. స్థూల దేశీయోత్పత్తి (జీడీపీ)లో 79% కుటుంబ వ్యాపారాలదే.
రిలయన్స్ ఇండస్ట్రీస్ దేశంలోనే అతి పెద్ద కుటుంబ వ్యాపార సంస్థ.ప్రపంచవ్యాప్తంగా చూస్తే పదో స్థానంలో ఉంది.
1973లో అంబానీ కుటుంబం ఆరంభించిన ఈ సంస్థ 2023 డిసెంబర్ నాటికి 204 బిలియన్ డాలర్ల మార్కెట్ విలువను సాధించింది. స్పెయిన్, మెక్సికో ఆ తర్వాత స్థానాలో ఉన్నాయి. ఆయా సంస్థల వాటా జీడీపీలో 70%గా ఉంది. ఏటా 1 ట్రిలియన్ డాలర్ల సంపదను జోడిస్తోంది.
అమెరికా ఆర్థిక పురోగతిలో 32.4 మిలియన్ల కుటుంబ వ్యాపార సంస్థల పాత్ర ఉంది.
జీడీపీలో 14.5 ట్రిలియన్ డాలర్ల మేర మార్కెట్ వాటా వాటిదే. వాల్మార్ట్, బెర్క్షైర్ హాత్వే, కార్గిల్ వాటిలో ముఖ్యమైనవి.