New Ration Card : కొత్త రేషన్కార్డులకు ప్రభుత్వం దరఖాస్తులను స్వీకరించనుంది. ఎప్పుడెప్పుడా అని ఎదురుచూస్తున్న దరఖాస్తుల స్వీకరణ ప్రక్రియ ఈ నెల 28 నుంచి ప్రారంభం కానుంది. తెలంగాణ ఏర్పాటు తర్వాత ఇప్పటివరకు ఒకసారి మాత్రమే నూతన రేషన్కార్డులను పంపిణీ చేశారు.
ఆ తర్వాత మళ్లీ అలాంటి ప్రక్రియ గత ప్రభుత్వం చేపట్టలేదు. కేవలం కార్డుల్లో పిల్లలు, కుటుంబసభ్యుల పేర్లు యాడ్ చేసుకునేందుకు దరఖాస్తులు తీసుకున్నారు. కానీ ఆ దిశగా కూడా ముందడుగు పడలేదు. కొత్తగా ఏర్పాటైన కాంగ్రెస్ ప్రభుత్వం నూతన రేషన్ కార్డుల జారీకి శ్రీకారం చుట్టింది. ఈ క్రమంలోనే రేషన్ కార్డులకు దరఖాస్తులు స్వీకరించేందుకు సిద్ధమవుతోంది.
నూతన రేషన్ కార్డుల అప్లికేషన్లను మీ సేవా ద్వారా ఆన్లైన్లో తీసుకుంటారు. అవసరమైన డాక్యుమెంట్లను అప్లోడ్ చేశాక ఫీల్డ్ వెరిఫికేషన్ చేస్తారు. అర్హుల ఎంపిక ప్రక్రియ గ్రామాల్లో గ్రామసభలు, నగరాలు, పట్టణాల్లో బస్తీ సభల ద్వారా జరుగుతుంది. ఈ ప్రాసెస్ చూడటం కోసం ప్రత్యేకంగా నోడల్ అధికారులను ప్రభుత్వం నియమించనుంది.