ఒక్క నిమిషంలో 133 నకల్ పుషప్స్ చేసి చింతల కృష్ణారెడ్డి అనే వ్యక్తి వరల్డ్ రికార్డ్ సాధించాడు. మేడ్చల్ జిల్లా ఘట్ కేసర్ మండలం అంకుశాపూర్ గ్రామానికి చెందిన చింతల కృష్ణా రెడ్డి ఈ రికార్డును .. పోచారం మున్సిపల్ పరిధి అన్నోజిగూడ తులిప్ హోటల్ లో సాధించాడు.
ఈ సందర్భంగా ఆయన మాట్లాడుతూ నకల్ పుషప్స్ ఒక్క నిమిషంలో 133 చేసి వరల్డ్ రికార్డు సాధించినందుకు చాలా సంతోషంగా ఉందని అన్నారు. ఎన్నో సంవత్సరాల నుండి కృషి చేస్తే ఈరోజు ఫలితం దక్కిందని ఆనందం వ్యక్తం చేశారు. దీనికోసం అహర్నిశలు కష్టపడ్డానని ఒకసారి భుజం బ్రేక్ జరిగి వాటర్ ఫామ్ అయినా పట్టు విడవకుండా విజయం సాధించనని అన్నారు.
ఏదైనా విజయం సాధించాలంటే పట్టుదల ముఖ్యమని పట్టుదల ఉంటే ఏదైనా సాధించవచ్చునని అన్నారు. ఈ కార్యక్రమంలో పిర్జాదిగూడ మేయర్ జక్కా వెంకట్ రెడ్డి, పోచారం మున్సిపల్ చైర్మన్ కొండల్ రెడ్డి, కౌన్సిలర్ మెట్టు బాల్ రెడ్డి.. తదితరులు అధిక సంఖ్యలో పాల్గొన్నారు.