Tollywood Celebrities : ప్రతి ఒక్కరి జీవితంలో మొదటి ఉద్యోగం, మొదటి సంపాదన, మొదటి ప్రేమకు చాలా ప్రాముఖ్యత ఉంటుంది. అలాగే సినిమా ఇండస్ట్రీలో కూడా చాలామంది తమకు మంచి పేరు తెచ్చి పెట్టిన మొదటి సినిమా పేర్లనే తమ ఇండస్ట్రీ ఇంటి పేరుగా మార్చుకున్నారు. వారి గురించి క్లుప్తంగా..
దిల్ రాజు
వి.వెంకటరమణా రెడ్డి అంటే ఎవరికీ తెలియదు. అదే ‘దిల్ రాజు’ అంటే తెలియని వారుండరు. ఈయన నిర్మించిన మొదటి సినిమా ‘దిల్’ హిట్ అవడంతో ఆ సినిమా పేరునే ఇండ్రస్ట్రీ ఇంటి పేరుగా మార్చుకున్నారు.
సిరివెన్నెల సీతారామశాస్త్రి
సీతారామశాస్త్రి గేయ రచయితగా వ్యవహరించిన ‘సిరివెన్నెల’ సినిమా మంచి పేరు తీసుకురావడంతో ఆ సినిమా పేరునే ఇండస్ట్రీ ఇంటి పేరుగా మార్చుకుని సిరివెన్నెల సీతారామశాస్త్రిగా మారారు.
అల్లరి నరేష్
నరేష్ హీరోగా మొదటి సినిమా ‘అల్లరి’. ఈ సినిమాలో నరేష్ పూయించిన నవ్వులు తనకు మంచి పేరును తెచ్చాయి. దీంతో అల్లరి పేరును తన పేరుకు ముందు చేర్చుకుని ‘అల్లరి నరేష్’ అయ్యారు.
వెన్నెల కిషోర్
వెన్నెల కిషోర్ కమెడియన్గా నటించిన ‘వెన్నెల’ సినిమా తర్వాత కిషోర్కు మంచి అవకాశాలు రావడంతో బి. కిషోర్ కాస్తా వెన్నెల కిషోర్గా మారిపోయారు.