Hamsa Nandini : హంసా నందిని.. నిజంగా హంసను తలపించే అందంతో.. ఇట్టే ఆకర్షించే చక్కటి నటి. గోపీచంద్ లౌక్యం మూవీ ద్వారా టాలీవుడ్ కి పరిచయం అయింది. తొలి సినిమాతోనే మంచి గుర్తింపు తెచ్చుకుంది. ఆ తర్వాత జక్కన్న తెరకెక్కించిన నాని ఈగ మూవీలో నటనతో అందరిని ఆకట్టుకుంది. అయితే ఈమెకు మంచి గుర్తింపు తెచ్చిన చిత్రం మాత్రం వంశీ డైరెక్షన్లో వచ్చిన అనుమానాస్పదం మూవీ. ఎన్టీఆర్ జై లవకుశ చిత్రంలో కూడా బ్యాంక్ ఎంప్లాయ్ గా హంసా..యాక్షన్ నవ్వుల పువ్వులు పూయించింది.
ఇక ఆ తర్వాత ఎన్నో సినిమాలలో మంచి రోల్స్ చేసి సాలిడ్ గా సెటిల్ అయింది ఈ బ్యూటీ. పవన్ కళ్యాణ్ అత్తారింటికి దారేది మూవీలో డిస్కో సాంగ్ కి అదిరిపోయే స్టెప్పులు వేసి అందరినీ ఆకట్టుకుంది. హీరోయిన్ కాకపోయినా.. హీరోయిన్ కి ఏమాత్రం తీసిపోని గ్లామర్ తో ఉన్న కాసేపు స్క్రీన్ ని తన అందంతో వేడెక్కిచ్చేస్తుంది ఈ ముద్దుగుమ్మ. పైకి నవ్వుతూ చలాకీగా కనిపించే హంస ఒకానొక సందర్భంలో బ్రెస్ట్ క్యాన్సర్ తో పోరాడి గెలిచింది అన్న విషయం చాలా తక్కువ మందికి తెలుసు.
రెండేళ్ల పాటు క్యాన్సర్ కారణంగా ఎంతో బాధపడిన హంస.. తన దృఢ సంకల్పంతో క్యాన్సర్ని సైతం ఓడించి తిరిగి సినిమా షూటింగుల్లో జోరుగా పాల్గొంటుంది. హంసా నందిని..1984 డిసెంబర్ 8న పూణేలో పుట్టింది. మోడలింగ్ పై మక్కువతో ముంబై చేరుకుంది. ఆమె అసలు పేరు పూనమ్ .. అయితే హంసా నందిని అనే పేరుని ఆమెకు పెట్టింది మాత్రం వంశి.. ఆ తర్వాత మంచిగా ఆఫర్స్ రావడంతో ఆ పేరు అలా కంటిన్యూ అయిపోయింది.
మొదట్లో మిర్చి, భాయ్ ,అత్తారింటికి దారేది ,రామయ్య వస్తావయ్య లాంటి సినిమాలలో ఐటమ్ సాంగ్స్ చేసింది హంసా. తెలుగుతో పాటుగా తమిళ్ ,కన్నడ సినిమాల్లో కూడా నటించినప్పటికీ..హంసా.. టాలీవుడ్ లో సాలిడ్ గా సెటిల్ అయిపోయింది. తెలుగువారి బ్యూటిఫుల్ హంస.. హంసా నందిని కి బిగ్ టీవీ తరఫున పుట్టినరోజు శుభాకాంక్షలు.