KCR Health Bulletin : తెలంగాణ మాజీ సీఎం కేసీఆర్ ఆరోగ్య పరిస్థితిపై యశోద ఆసుపత్రి వైద్యులు బులిటెన్ విడుదల చేశారు. కేసీఆర్ కోలుకునేందుకు 6 నుంచి 8 వారాలు పడుతుందని తెలిపారు.ఆయన ప్రస్తుతం వైద్యుల పర్యవేక్షణలో ఉన్నారని పేర్కొన్నారు. ప్రస్తుతం కేసీఆర్ ఆరోగ్య పరిస్థితి నిలకడగా ఉందన్నారు. సీటీ స్కాన్ చేసి కేసీఆర్కు ఎడమ తుంటి విరిగినట్టు గుర్తించారు. ఎడమ తుంటి మార్పిడి చేయాలని వైద్యులు తేల్చారు.
ఫామ్హౌస్లో తెల్లవారుజాము రెండున్నర గంటల సమయంలో కేసీఆర్ బాత్రూమ్లో కాలుజారి పడిపోయారు. కేసీఆర్ ఆరోగ్య పరిస్థితి గురించి తెలిసిన వెంటనే స్పందించిన ప్రభుత్వం గ్రీన్ ఛానల్ ఏర్పాటు చేసి ట్రాఫిక్ క్లియరెన్స్ తో ఆసుపత్రికి తరలించింది. ప్రస్తుతం కేసీఆర్ సోమాజీగూడలోని యశోద ఆసుపత్రిలో చికిత్స తీసుకుంటున్నారు.
మరోవైపు కేసీఆర్ ఆరోగ్య పరిస్థితిపై సీఎం రేవంత్ రెడ్డి ఆరా తీశారు. కేసీఆర్ ఆరోగ్య పరిస్థితిని పర్యవేక్షించాలని వైద్య ఆరోగ్య శాఖ కార్యదర్శి రిజ్వీని ఆదేశించారు. సీఎం ఆదేశాలతో యశోద ఆసుపత్రికి వైద్య ఆరోగ్య శాఖ కార్యదర్శి రిజ్వీ వెళ్లారు. కేసీఆర్ ఆరోగ్య పరిస్థితి గురించి వైద్యులను అడిగి తెలుసుకున్నారు. ఆ తర్వాత కేసీఆర్ ఆరోగ్య పరిస్థితిని సీఎం రేవంత్ కు రిజ్వీ వివరించారు.