Joruga Husharuga Trailer: బేబీ సినిమాతో నటుడిగా అందరి ప్రశంసలు అందుకున్న కొత్త హీరో విరాజ్ అశ్విన్.. మరో మూవీతో ప్రేక్షకుల ముందుకు వచ్చాడు. అనుప్రసాద్ దర్శకత్వం వహించిన ఈ సినిమాను శిఖర అండ్ అక్షర ఆర్ట్స్ ఎల్ఎల్ పీ పతాకంపై నిరీష్ తిరువిధుల నిర్మిస్తున్నారు. విరాజ్ సరసన పూజిత పొన్నాడ నటించింది. యూత్ ఫుత్ అండ్ ఎమోషనల్ ఫ్యామిలీ ఎంటర్టైనర్ గా రూపొందుతున్న ఈ చిత్రం డిసెంబర్ 15న విడుదల కాబోతోంది.

తాజాగా ఈ సినిమా ట్రైలర్ ను పాపులర్ దర్శకుడు బుచ్చిబాబు సానా చేతుల మీదుగా విడుదల చేశారు. సినిమా ట్రైలర్ ఆద్యంతం ఆకట్టుకుంటోంది. కామెడీ, రొమాన్స్, సెంటిమెంట్ తో ట్రైలర్ కట్ చేసిన విధానం కూడా ఆకట్టుకుంటోంది. బ్రహ్మాజీ కామెడీ డైలాగ్స్ సినిమాకు హైలైట్ గా నిలవనున్నట్లు తెలుస్తోంది.

చెప్పులు కుట్టేవాడికి చెప్పులుంటాయా.. పెళ్లిళ్లు చేసేవాడికి పెళ్లిళ్లవుతాయా అనే పంచ్ డైలాగ్ ఆకట్టుకుంది.ఈ సినిమాలో విరాజ్ అశ్విన్ కొత్తగా కనిపిస్తాడని డైరెక్టర్ అను ప్రసాద్ తెలిపారు. ప్రతిఒక్కరికీ ఈ సినిమా నచ్చుతుందన్న నమ్మకం ఉందని ఆశాభావం వ్యక్తం చేశారు. ప్రతిఒక్కరూ మంచి సినిమా చూశామన్న అనుభూతిని పొందుతారన్నారు.

Share

• 
• 
• 
• 
• 
•