Virat Kohli: విరాట్ కోహ్లీ. తెలుసుగా మనోడి స్టామినా. కొడితే సిక్స్ పోవాల్సిందే. డ్రైవ్ చేస్తే ఫోర్. బ్యాట్ కదిలిస్తే చాలు రన్స్. ఇండియన్ రన్ మెషిన్ విరాట్. ఇప్పటికే కోహ్లీ పేరు మీద అనేక రికార్డులు ఉండగా.. లేటెస్ట్ గా మరో అరుదైన రికార్డు ఆయన ఖాతాలో చేరింది. టీ20 వరల్డ్ కప్ లో అత్యధిక పరుగులు చేసిన బ్యాట్స్ మెన్ గా విరాట్ కోహ్లీ టాప్ ప్లేస్ లో నిలిచాడు.
అడిలైడ్ లో బంగ్లాదేశ్తో మ్యాచ్లో విరాట్ 16 రన్స్ చేయగానే ఈ రికార్డు నమోదైంది. శ్రీలంక మాజీ కెప్టెన్ జయవర్దనే (1,016 రన్స్)ను దాటేసి టాప్ స్కోరర్ గా నిలిచాడు. జయవర్దనే 31 ఇన్నింగ్స్ల్లో ఆ పరుగులు చేస్తే.. కోహ్లీ మాత్రం కేవలం 25 ఇన్నింగ్స్ల్లోనే ఈ ఘనత సాధించాడు. బంగ్లాదేశ్ పై 64 పరుగులు చేసి.. 1,065 రన్స్ తో టీ20 ప్రపంచ కప్ లో అత్యధిక పరుగులు సాధించిన ఆటగాడిగా చరిత్ర సృష్టించాడు కింగ్ విరాట్ కోహ్లీ.