తెలంగాణ ముఖ్యమంత్రి ఎవరో దాదాపు తేలిపోయింది. ఢిల్లీ వేదికగా జరుగుతున్న పరిణామాలు ఇదే విషయాన్ని స్పష్టం చేస్తున్నాయి. తెలంగాణ ముఖ్యమంత్రి ఎవరనే విషయానికి దాదాపు తెరపడినట్లే కనిపిస్తోంది. టీపీసీసీ చీఫ్ రేవంత్ రెడ్డియే తదుపరి తెలంగాణ ముఖ్యమంత్రిగా పగ్గాలు చేపట్టే అవకాశం ఉందంటున్నారు. సీఎల్పీ లీడర్ మల్లు భట్టి విక్రమార్క, ఉత్తమ్ కుమార్ రెడ్డితో మాట్లాడిన డీకే శివకుమార్ ఒప్పించారని తెలుస్తోంది.
సోమవారం నుంచి మంతనాలు జరుపుతున్న కాంగ్రెస్ అధిష్ఠానం సీఎం అభ్యర్థి పేరును ఖరారు చేసిందని తెలుస్తోంది. కాంగ్రెస్ అధిష్ఠానం రేవంత్ రెడ్డి వైపే మొగ్గు చూపిస్తోందని సమాచారం. సాయంత్ర సీఎల్పీ సమావేశం జరగనుంది. సీఎల్పీ భేటీలో అధికారికంగా సీఎంగా రేవంత్ రెడ్డి పేరును ప్రకటిస్తారని అంటున్నారు.