Drinking Beetroot juice Daily Could Help People with Heart Condition: ముదురు ఎరుపు రంగులో.. ఆస్ట్రింజెంట్ రుచికి ప్రసిద్ధి చెందిన బీట్రూట్ ఆరోగ్యానికి చాలా మంచిది. బీట్ రూట్ గుండెకు సంబంధించిన అనేక సమస్యల నుండి దూరం చేస్తాయి. వీటిలో చర్మ సంరక్షణలో సహాయపడే అనేక పోషకాలు ఉన్నాయి. అందువల్ల దీనిని ఆహారంలో చేర్చుకోవడం చాలా ముఖ్యం. బీట్రూట్ తినడం వల్ల కలిగే ఆరోగ్య ప్రయోజనాల గురించి తెలుసుకుందాం..
జీర్ణక్రియను మెరుగుపరుస్తుంది..
బీట్రూట్లో ఫైబర్ పుష్కలంగా ఉంటుంది. ఫైబర్ ఆహారాన్ని జీర్ణం చేయడంలో సహాయపడుతుంది. ఇవే కాకుండా మలబద్ధకం వంటి సమస్యల నుండి ఉపశమనాన్ని కలిగిస్తుంది. బీట్రూట్ జ్యూస్ని తరుచూ తీసుకోవడం వలన జీర్ణక్రియను ఆరోగ్యంగా ఉంచడంలో తోడ్పడుతుంది. ఇది గ్యాస్, ఉబ్బరం వంటి సమస్యలను నివారించడంలో సహాయపడుతుంది.
గుండెను ఆరోగ్యంగా ఉంచుతుంది..
బీట్రూట్లో ఉండే నైట్రేట్లు రక్తపోటును అదుపులో ఉంచుతాయి. ఇది కొలెస్ట్రాల్ను తగ్గించడంలో కూడా సహాయపడుతుంది. బీట్రూట్ లో ఆంథోసైనిన్ అనే మూలకం గుండెను ఆరోగ్యంగా ఉంచడంలో సహాయపడుతుంది. తరుచూ వీటిని తీసుకోవడం వలన గుండె జబ్బులు రాకుండా ఉంటాయి. అధిక రక్తపోటు కారణంగా స్ట్రోక్ లేదా గుండెపోటు వచ్చే ప్రమాదం ఉంది. బీట్ రూట్ జ్యూస్ తీసుకోవడం వల్ల ఈ సమస్యల నుంచి ఉపశమనం పొందవచ్చు.
Also Read: షుగర్ ఎక్కువగా తింటే ఊపిరితిత్తులపై చెడు ప్రభావం ఉంటుందని మీకు తెలుసా ?
వాపును తగ్గిస్తుంది..
బీట్రూట్లో యాంటీ ఇన్ఫ్లమేటరీ గుణాలు అధికంగా ఉన్నాయి. ఆర్థరైటిస్ వంటి వ్యాధుల లక్షణాలను తగ్గించడంలో ఇది చాలా ప్రభావవంతంగా పనిచేస్తుంది. ఇది రోగనిరోధక వ్యవస్థను రక్షించడంలో తోడ్పడుతుంది.
క్యాన్సర్ నుండి రక్షణగా..
బీట్రూట్లో యాంటీఆక్సిడెంట్లు అధికంగా ఉంటాయి. ఇవి ఆక్సీకరణ ఒత్తిడిని తగ్గిస్తాయి. అంతే కాదు ఆక్సీకరణ చర్య వల్ల కణాలకు జరిగే నష్టాన్ని తగ్గించడంలో సహాయపడతాయి. బీట్రూట్ క్యాన్సర్ను నివారించడంలో చాలా సహాయపడుతుంది. అందువల్ల మీ ఆహారంలో బీట్రూట్ను చేర్చుకోవడం ఎంతో అవసరం.