Sun Transit in Leo 2024: సూర్యుడు త్వరలో సింహ రాశిలోకి ప్రవేశించనున్నాడు. సూర్యుడు నెల రోజుల పాటు సింహ రాశిలోనే ఉంటాడు. సింహరాశికి సూర్యుడు అధిపతి. గ్రహాల రాజు అయిన సూర్యుడు తన సొంత రాశిలో సంచరించడం శుభప్రదంగా పరిగణిస్తారు. ఆగస్ట్ నెలలో సూర్యుడు 16వ తేదీన సింహ రాశిలోకి ప్రవేశించనున్నాడు. సూర్యుడి ప్రభావం కారణంగా కొంతమందికి ప్రమోషన్, గౌరవం లభిస్తుంది. 365 రోజుల తర్వాత సూర్యుడు సింహ రాశిలో సంచరించడం వల్ల ఏ రాశుల వారికి అదృష్టం కలసి వస్తుందో ఇప్పుడు తెలుసుకుందాం.
మిథున రాశి:
సూర్యుడి సంచారం వల్ల మిథున రాశి వారికి శుభం కలుగుతుంది. మీ ఆరోగ్యం మెరుగుపడుతుంది. అంతేకాకుండా వ్యాపారంలో ఎదురవుతున్న సమస్యలు క్రమంగా తొలగిపోతాయి. ఇబ్బందులను సులభంగా అధిగమిస్తారు.సూర్యుడి రాశి సంచారం వల్ల విద్యార్థులు శుభవార్తలు పొందుతారు. మీ ప్రతిభతో అన్ని ఇబ్బందులను సులభంగా అధిగమిస్తారు..
వృషభ రాశి:
సూర్యుడి రాశి మార్పు కారణంగా వృషభ రాశి వారికి మంచి ప్రయోజనాలు పొందుతారు. ఆఫీసులో మీరు ఎదుర్కుంటున్న సమస్యలు పరిష్కారమవుతాయి. మీకు గౌరవం కూడా లభిస్తుంది. మీరు మీ తండ్రి, గురువు నుంచి పూర్తి మద్దతు పొందుతారు. మతపరమైన కార్యక్రమాల పట్ల ఆసక్తి పెరుగుతుంది. అదే సమయంలో ఆనందం, శాంతి లభిస్తుంది. ఆరోగ్యాన్ని పట్ల జాగ్రత్త అవసరం.
Also Read: జూలై 6 తర్వాత విపత్తు వస్తుందా.. ?
సింహరాశి:
సూర్యుడి సంచారం సింహ రాశి వారికి శుభప్రదంగా పరిగణిస్తారు. ఈ నెల మొత్తం మీకు సానుకూలంగా ఉంటుంది. మీ దృష్టి అంతా మీరు చేసే పనిపైనే ఉంటుంది. మీరు చేసిన పనికి కూడా ప్రశంసలు అందుతాయి. కోర్టు కేసుల్లో కూడా విజయం సాధిస్తారు. అదే సమయంలో మీ జీవిత భాగస్వామితో ఎక్కువ సమయం గడపడం మంచిది.