Jyeshtha Purnima 2024: ప్రతి గ్రహం ఒక నిర్దిష్ట సమయంలో తన రాశిని మారుస్తుందనే విషయం అందరికీ తెలిసిందే. ఇది అనేక రకాల కలయికలను సృష్టిస్తుంది. ఇలా ఏర్పడే యోగాలు రాశులపై శుభ, అశుభ ప్రభావాలను చూపిస్తుంటాయి. మరో రెండు రోజుల్లో అంటే జూన్ 22న కూడా ఇదే పరిస్థితి నెలకొంది. జ్యేష్ఠ పూర్ణిమ తిథి 21 జూన్ 2024న ప్రారంభమవుతుంది, ఇది 22 జూన్ 2024 ఉదయం వరకు కొనసాగుతుంది. జ్యేష్ఠ పూర్ణిమ నాడు శుక్ల యోగం, శుభ యోగం ఏర్పడుతున్నాయి. దీంతో పాటు శుక్రాదిత్య యోగం, బుధాదిత్య యోగం కూడా ఉంటుంది. ఈ 3 రాశుల వారి పట్ల లక్ష్మీదేవి ఆశీస్సులు ఉండనున్నాయి. ఈ వ్యక్తులకు ఆర్థిక పురోగతి ఉంటుంది. అయితే ఆ రాశుల వివరాలు ఏంటో తెలుసుకుందాం.
జ్యేష్ఠ పూర్ణిమ తిథి నాడు ఏర్పడుతున్న శుభ యోగం 3 రాశుల వారికి విశేష ప్రయోజనాలను అందిస్తుంది. ఈ వ్యక్తుల జీవితాల్లో ఒకదాని తర్వాత ఒకటి సానుకూల మార్పులు ఉంటాయి.
వృషభం:
జ్యేష్ఠ పూర్ణిమ వృషభ రాశి వారి జీవితాల్లో సానుకూల మార్పులను తీసుకురానుంది. వీరికి ఒకదాని తర్వాత ఒకటి ఏ పని తలపెట్టినా కూడా లాభాలు వచ్చే అవకాశాలు ఉంటాయి. ఇంట్లోని సమస్యల నుండి ఉపశమనం పొందుతారు. సానుకూలంగా ఆలోచిస్తారు, మంచి పని చేసి విజయం సాధిస్తారు. కొత్త ఆదాయ వనరులను పొందుతారు. ఇది ఆర్థిక స్థితిని బలోపేతం చేస్తుంది. కెరీర్‌లో ప్రమోషన్, పురోగతికి బలమైన అవకాశాలు ఉన్నాయి.
కర్కాటకం:
కర్కాటక రాశి వారికి జ్యేష్ఠ పూర్ణిమ నుండి స్వర్ణకాలం ప్రారంభమవుతుంది. దీనివల్ల ఉద్యోగం, వ్యాపారంలో మంచి ఫలితాలను పొందుతారు. విదేశాలకు వెళ్లే అవకాశాలు ఉన్నాయి. దేశంలో పర్యటనకు కూడా వెళ్ళవచ్చు. ధన ప్రవాహం పెరుగుతుంది. ఇంట్లో సంతోషం ఉంటుంది. వైవాహిక జీవితం బాగుంటుంది.
ధనుస్సు:
ధనుస్సు రాశి వారికి జ్యేష్ఠ పూర్ణిమ నాడు శ్రీమహావిష్ణువు, లక్ష్మీమాత విశేష ఆశీస్సులు లభిస్తాయి. నిలిచిపోయిన పనులు వేగంగా పూర్తవుతాయి. పనిలో విజయం సాధించడం వల్ల సంతోషంగా, ఉత్సాహంగా ఉంటారు. ఆర్థిక లాభం ఉంటుంది. ప్రేమ జీవితంలో ప్రేమ పెరుగుతుంది. వివాహితులకు కూడా ఈ సమయం మంచిది. జీవిత భాగస్వామితో సంబంధం మరింత బలపడుతుంది. సంతోషకరమైన క్షణాలను ఆనందిస్తారు.